भारतले लगायो पबजीसहितका ११८ चिनियाँ एप्समाथि प्रतिबन्ध

विश्व

नेपाल लाइभ बिहीबार, भदौ १८, २०७७ ०७:००

एजेन्सी–भारत सरकारले चीनमा विकसित गरिएका १ सय १८ मोबाइल एप्समा प्रतिबन्ध लगाएको छ। प्रतिबन्धित एप्समा गेमिङ एप पबजीसमेत छ।

सूचना प्रविधि मन्त्रालयले विज्ञप्ति जारी गर्दै भारतीय सम्प्रभुता र अखण्डता, देशको रक्षा र व्यवस्थाविरुद्धका गतिविधिमा संलग्न रहेकाले ती एप्समा प्रतिबन्ध लगाइएको जनाएको हो।

यस कदमबाट करोडौं मोबाइल र इन्टरनेट प्रयोगकर्ताको रक्षा हुने भारत सरकारको दाबी छ। ‘यो निर्णय भारतको साइबर स्पेसको सुरक्षा र सम्प्रभुता सुनिश्चित गर्ने उद्धेश्यले गरिएको हो,’ मन्त्रालयले भनेको छ।

Government blocks 118 mobile apps which are prejudicial to sovereignty and integrity of India, Defence of India, Security of State and Public Order: Govt of India

PUBG MOBILE Nordic Map: Livik, PUBG MOBILE LITE, WeChat Work & WeChat reading are among the banned mobile apps. pic.twitter.com/VWrg3WUnO8
— ANI (@ANI) September 2, 2020

भारतले यसअघि एक पटक टिकटकसहित ५९ एप्स र अर्कोपटक अन्य ४७ एप्समाथि प्रतिबन्ध लगाएको थियो। योसहित हालसम्म भारतले २ सय २४ चिनियाँ एप्समाथि प्रतिबन्ध लगाइसकेको छ। पछिल्लोपटक लद्धाखमा भारतीय र चिनियाँ सैनिकबीच झडप भएपछि भारतले चिनियाँ एप्समाथि प्रतिबन्ध लगाएको हो।