काठमाडौं- नेपाल एयरलाइन्सले नियमित उडानका लागि भाडा तर तय गरेको छ। सरकारले हवाई महँगो भएको भन्दै विदेशी एयरलाइन्स कम्पनीलाई पनि नेपाल एयरलाइन्सले तोकेका भाडादर अनुसार भाडा यात्रु बोक्न निर्देशन दिए लगतै निगमले भाडादर सार्वजनिक गरेको हो।
निगमले मलेसिया, दुबई, हङकङ र जापानको भाडा सार्वजननिक गरेको छ।
वायुसेवा कम्पनीहरुले नियमित उडानका लागि हवाई भाडा निर्धारण गर्दा विभिन्न क्लासमा वर्गीकरण गरेको हुन्छ। निगमले पनि सोहीबमोजिम विभिन्न सेक्टरका लागि नियमित उडानको भाडादरको निम्नानुसारको निर्धारण गरेको छ।
तर, हङकङ र जापानको हकमा भने एक मात्रा भाडादर तय गरेको छ। न्यूनतमा भाडा मलेसियन रिङगेट, दुबईका लागि एइडी, जापानका लागि जापनी येन र हङकङका लागि एचकेडीमा भाडा तोकेको हो।
यी देशबाट आउने विदेशी एयरलाइन्स कम्पनीले पनि अब यही भाडामा यात्रु बोक्न पर्ने हुन्छ।
उल्लेखित हवाई भाडामा सम्पूर्ण करसमेत समावेश भएकोले निगमले निर्धारण गरेको भाडादर भन्दा बढी रकम तिरी कसैले पनि टिकट खरिद नगर्नुहुन सम्बन्धित सबैलाई अनुरोध गरेको छ।
साथै उडान संख्या, यात्रु तथा वर्गीकृत क्लासमा तोकिएको सिट संख्याको उपलब्धताको अनुपातमा उल्लेखित भाडादर भने परिवर्तन हुन सक्नेछ निगमले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
