काठमाडौं- स्पेनिस क्लब बार्सिलोनाले आउने सिजनका लागि खेलाडीहरुमा ठूलो फेरबदल गर्ने देखिएको छ। प्रशिक्षक क्विके सेटियन र टेक्निकल सेक्रेटरी इरिक अबिडाललाई बर्खास्त गरेको बार्सिलोनाले खेलाडीहरु राख्ने र बेच्ने विषयमा पनि कठिन निर्णय गर्न लागेको हो।
च्याम्पियन्स लिग क्वाटरफाइनलमा बायर्न म्युनिकसँग ८–२ ले हारेको बार्सिलोना यो सिजन उपाधिविहीन बनेको रह्यो। ला लिगाको उपाधिसमेत गुमाएको टिमलाई च्याम्पियन्स लिगको लज्जास्पद हारले असर गरिरहेको छ।
यसैले बार्सा टिभिसँगको अन्तर्वार्तामा बार्सिलोना अध्यक्ष जोसेप मारिया बर्टामेउले पहिलो रोजाइँको टिममा निकै फेरबदल हुने, जसका कारण केही सिनियर खेलाडीले क्लब छाड्नुपर्ने बताएका छन्।
बर्टामेउका अनुसार क्लबमा नै रहिरहने ९ खेलाडीहरुमा कप्तान लियोनल मेस्सी, गोलकिपर मार्क आन्द्रे टेर स्टेगेन, डिफेन्डर नेल्सन सेमेडो र क्लेमेन्ट लेङलेट, मिडफिल्डर फ्रान्की डि योङ, फरवार्ड उसमान डेम्बेले र एन्टोनी ग्रिजम्यान छन्। साथै बी टिमबाट ए टिममा खेलिरहेका अन्सु फाती र रिकी पुइच पनि बिक्रीमा छैनन्।
बर्टामेउका अनुसार टिममा अब जेरार्ड पिके, जोर्डि अल्बा, सर्जियो बुस्केट्स, इभान राकिटिक, स्यामुअल उमटिटी, आर्टुरो भिडाल र लुइस स्वारेज जस्ता खेलाडीहरु हुने छैनन्।
बार्सिलोना ब्यवस्थापनको बैठकले सेटियनलाई बर्खास्त गरे पनि नयाँ प्रशिक्षकको नियुक्तिमा केही समय लाग्ने बताइएको छ। सेटियनको स्थानमा नेदरल्याण्ड्सका प्रशिक्षक रोनाल्ड कोम्यानलाई ल्याउने लगभग पक्का छ। कोम्यान सन् १९८९ देखि १९९५ सम्म बार्सिलोनाकै खेलाडीसमेत थिए।
कोम्यानले बनाउनले नयाँ टिममा अहिले बर्टामेउले भनेका खेलाडीबाहेक अरुको स्थान नरहेको बताइएको छ। नयाँ खेलाडी किन्नुभन्दा पहिले एकेडेमीका खेलाडीलाई हेर्नुपर्ने विश्वास देखाएका कोम्यानले टिम कप्तान मेस्सीलाई केन्द्रमा राखेर नै योजना बनाएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1765273665.jpg)
