काठमाडौं– सिन्धुपाल्चोकमा कार्यरत गैरसरकारी संस्था सामुदायिक विकास तथा वातावरण संरक्षण मञ्च (सिडिइसिएफ) का चार कर्मचारीमा कोरोना संक्रमण पुष्टि भएको छ। जसमध्ये दुई जना मेलम्चीको क्षेत्रीय आइसोलेसनमा बसेका छन् भने अन्य दुई जनालाई व्यवस्थापन गर्न नसक्दा प्रहरीले पहरा दिएर कार्यालयमै राखिएको छ।
उनीहरूमा सोमबार कोरोना पुष्टि भएको थियो। तर दिनभरिमा पनि आइसोलेसनको व्यवस्थापन हुन नसक्दा प्रहरीले पहरा दिएर बसेको हो।
उनीहरूलाई सोमबारै बसेको संकट व्यवस्थापन समितिको बैठकले चौतारा अस्पतालमा राख्ने् निर्णय गरेको थियो। तर, अहिलेसम्म राखिएको छैन।
चौतारा साँगाचोकगढी नगरपालिकाले कोरोनाका नाममा ९० लाख भन्दामाथि खर्चिएको छ। जिल्लामा ८१७ को क्वारेन्टाइन बेड र ७० आइसोलेसन बेड रहेको तथ्यांक छ। तर यी दुई संक्रमितले १५ घण्टा बितिसक्दा पनि आइसोलेसन बेड पाउन सकेका छैनन्।
उनीहरूमा कोरोना देखिएपछि चौतारा साँगाचोकगढी नगरपालिका(५ किसानटोलका घर, संस्थाका कर्मचारी खाजा, खाना खाने स्थानीय बाबुकाजी श्रेष्ठ र नारायण श्रेष्ठको होटललाई सिल गरिएको प्रमुख जिल्ला अधिकारी उमेशकुमार ढकालले जानकारी दिए।
सोमबार बसेको जिल्ला संकट व्यवस्थापन समितिको बैठकले कन्ट्याक्ट ट्रेसिङ तथा सम्पर्कमा आएको व्यक्तिहरुको नमूना परीक्षणको नतिजा नआउन्जेल सिल गर्ने निर्णय गरेको थियो। अर्को सूचना जारी नभएसम्मकम लागि होटल र कार्यालय घर सिल गरिएको ढकालले जनाए।
कोरोना संक्रमण पुष्टि भएपछि सिडिईसिएफका १ महिला र १ पुरुषलाई मेलम्चीको बाहुनेपाटीस्थित आइसोलेसन र १ महिला र १ पुरुषलाई चौतारा अस्पतालको आइसोलेसनमा राख्नेड निर्णय भएको थियो। तर, चौतारामा रहेका दुईजनाले आइसोलेसन बेडपाउन नसकेका हुन्।
कोरोना संक्रमित भएकाहरु चितवनमा एक तालिममा सहभागी भई साउन २८ सिन्धुपाल्चोक आइपुगेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
