रिलायन्स लाइफको आइपिओ भदौ ४ देखि

बैंक/बिमा/सेयर

नेपाल लाइभ बुधबार, साउन २८, २०७७ ०७:५२

काठमाडौं-नयाँ जीवनबिमा कम्पनीमध्ये रिलायन्स लाइफ इन्स्योरेन्सले पहिलो प्राथमिक शेयर निष्काशन गर्ने भएको छ। कम्पनीले सर्वसाधारणतर्फको आइपिओ भदौ ४ गतेदेखि निष्काशन गर्ने भएको छ।

सर्वसाधारणतर्फको ६३ लाख कित्तामध्ये ५ प्रतिशत सामूहिक लगानी कोषका लागि छुट्टाएको छ। त्यस्तै ५ प्रतिशत कर्मचारीहरुले पाउने छन्। बाँकी ५६ लाख ७० हजार कित्ता सर्वसाधारणका लागि बिक्री गर्ने भएको हो। म्युचुअल फण्डहरुले तीन लाख १५ हजार कित्ता र कर्मचारीहरुले पनि तीन लाख १५ हजार कित्ता पाउने छन्।

कम्पनीले भदौ ८ गतेसम्म बिक्री खुला गर्ने छ। सर्वसाधारले न्यूनतम १० कित्ता र अधिकतम ६३ हजार कित्तासम्मका लागि आवेदन दिन सक्ने छन्।

यस अगाडि अजोड इन्स्योरेन्स कम्पनीले निष्काशन गरेको आइपिओमा सबैभन्दा धेरै ४ लाख ८७ हजारले आवेदन दिएका थिए। यसै आधारमा पनि सर्वसाधारणले न्यूनतम १० कित्ता र अधिकतम २० कित्ताभन्दा धेरै पाउन सक्ने देखिँदैन।

रिलायन्सले आइपिओ निष्काशन गरेसँगै चुक्ता पुँजी दुई अर्ब १० करोड रुपैयाँ पुग्नेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राजावादीसँग साँठगाँठको आरोपलाई भीम रावलले गरे अस्वीकार, बालेनसँग सहकार्यका लागि खुला रहेको प्रतिक्रिया

सुनको मूल्यमा भारी वृद्धि, कतिमा भइरहेको छ कारोबार?

विपक्षी दलहरूले आज संयुक्त पत्रकार सम्मेलन गर्दै