काठमाडौं-नेपालमा पहिलो पटक अनलाइन लञ्च ईभेन्टमार्फत् सार्वजनिक गरिएको ओप्पो एफ १५ ले यसमा रहेको ४८ एमपी अल्ट्रा वाइडएंगल माक्रो क्वाडक्याम र सुपर स्लिक डिजाइनमार्फत् प्रयोगकर्तालाई व्यावसायिक फोटोग्राफीकाे अनुभव दिने कम्पनीले जनाएको छ ।
एफसिरिज अन्तर्गतको यो नयाँ उत्पादनले प्रयोगकर्ता अनुभवमा थप सुधार ल्याउँदै अझ व्यावसायिक देखिने तस्बिर खिच्न सघाउने ओप्पो नेपालका प्रमुख कार्यकारी अधिकृत बबी ट्राओले बताए।
एफ १५ फोनमा प्रमुख ३ विशेषता रहेको कम्पनीले जनाएको छ।
व्यावसायिक फोटोग्राफी परफर्मेन्स
स्लिक प्याकेजमा उपलब्ध ओप्पो एफ १५ मा कम्पनीले ४८ एमपी अल्ट्रा वाइडएंगल माक्रो क्वाडक्याम उपलब्ध गराएको छ। यसको क्यामेरा उच्च क्षमताको हुनुका साथै अल्ट्रा प्रोफेसनल शट्स दिने क्षमता राख्छ। यसमा रहेको फोर-ईन-वान पिक्सेल कम्बिनेसन प्रविधिको प्रयोगले यसको ४८ एमपी रियर क्यामेरा सेन्सरको डिजाइनमार्फत् विस्तृत तथा गुणस्तरीय तस्बिर लिन मद्धत गर्छ ।
यसमा रहेको वाइड एंगल मोडमार्फत् प्रयोगकर्ताले करिब ३ सेन्टिमिटरसम्म माक्रोको प्रयोग गर्दै सहजै अटो फोकस गर्न सक्छन्। यसबाट तस्बिर लोभलाग्दा, आकर्षक र स्पष्ट खिच्न सकिन्छ ।
फोनका फ्रन्ट तथा पछिल्ला दुवै पट्टिका क्यामेरामा उपलब्ध एआई भिडियो ब्यूटिफिकेशन फिचरमा उपलब्ध गरिएको नयाँ अल्गोरिथमले हरेक अनुहारका लागि सुहाउँदो प्राकृतिक ब्यूटिफिकेसन एड्जस्टमेन्टका लागि कस्टमाइज्ड एनालाइसिस उपलब्ध गराउँछ ।
हल्लिरहेको अवस्थामा समेत ओप्पो एफ १५ ले स्पष्ट, शार्प र सटिक (कम्पनरहित) भिडियो खिच्न सघाउँछ । तसर्थ, तस्बिर वा भिडियोमार्फत् आफ्ना कथाहरु प्रस्तुत गर्न चाहनेहरुका लागि ओप्पो एफ १५ उपयुक्त रहन सक्छ ।
फोनमा कम्पनीले कम प्रकाश भएका स्थानमा समेत आकर्षक पोट्रेट फोटोग्राफीको मज्जा दिने सोचका साथ नाइट पोट्रेट मोड पनि उपलब्ध गराएको छ। कम्पनीले उपलब्ध गराएका पछिल्ला संस्करणका तुलनामा ओप्पो एफ १५ मा रहेको नाइट पाेट्रेट मोडले अध्याँरा सडक, रेस्टूराँ, पार्कलगायत विशेष स्थानमा अझ सटिक पोट्रेट खिच्दछ।
यसमा रहेको पोट्रेट एचडीआरले प्रत्यक्ष सूर्यको प्रकाश रहेका स्थानमा पहिलेका तुलनामा अझ सटिक र गुणस्तरीय पोट्रेट लिन सघाउँछ। फरक-फरक एक्स्पोजरसहितका तस्बिर लिएर यसलाई ईन्टेलिजेन्ट प्रविधिमार्फत् एउटैमा मिलाउन सकिन्छ ।
आकर्षक स्लिक डिजाइन
एक हातमा राखेर मज्जाले चलाउन सकियोस् भन्नेमा विशेष ध्यानदिएर बनाइएको ओप्पो एफ १५ को हल्कापन हातमा बोक्नेबित्तिकै अनुभव हुन्छ । जम्मा ७ दशमलव ९ एमएमको पातलो आकार र १ सय ७२ ग्राम वजन भएको डिजाइनका कारण यसको स्क्रिन रेसियो २० दशमलब ९ रहेको छ। यो पछिल्लो एफ ११ का तुलनामा ५ प्रतिशत थप पातलो र ९ प्रतिशत हल्का रहेको कम्पनीले जनाएको छ। यसमा प्रयोग गरिएको स्लिम डिजाइनका कारण ओप्पो एफ १५ सहजै खल्तीमा बोक्न सकिन्छ ।
यसमा रहेका चार क्यामेरामा मिनिमलिस्टिक डिजाइन अपनाइनुका साथै फ्ल्याशलाइटको स्थान छनोट क्यामेराको प्रकाशका आधारमा गरिएको छ। क्यामेराको सतहलाई माथि उठाएर यसको लेन्सलाई थप सुरक्षा प्रदान गर्ने सोचका साथ यसमा डेकोरेटिभ रिङको ब्यवस्था पनि गरिएको छ । समग्रमा भन्नु पर्दा ओप्पो एफ १५ स्टाइलिश, अल्ट्रा पोर्टेबल र सटिक ओटीजी फोन हो।
८ जीबी र्याम र १२८ जीबी रोम भएको ओप्पो एफ १५ले पर्याप्त स्टोरेज उपलब्ध गराउँ । भोक फ्ल्याश चार्ज ३ दशमलब ० सहितको ओप्पो एफ १५ ले मात्र ५ मिनेटको समयमा १० प्रतिशत र ३० मिनेटमा ५० प्रतिशत चार्ज दिने क्षमता राख्छ। पछिल्लो भोक २ दशमलव ० का तुलनामा यो २६ प्रतिशतले तीव्र छ।
शक्तिशाली सफ्टवेयर र हार्डवेयर
९० दशमल ७ प्रतिशत स्क्रिन टू बडी रेसियो तथो एफएचडी प्लस एमोलेड २४००×१०८० रेजोल्यूशनसहितको ओप्पो एफ १५ ले अल्ट्रा क्रिस्प गेमिङ तथा मनोरञ्जन अनुभव प्रदान गर्छ। फ्रेम बुस्ट र टच बुस्टसहितको ओप्पो एफ १५ ले स्मूथ गेमिङ अनुभवप्रदान गर्छ । यी फिचर्सले गेम ल्याग हुनुबाट जोगाउनुका साथै टच रेस्पोन्समा सुधार ल्याएर गेमिङमा राम्रो नियन्त्रण बनाउनमा समेत सघाउँछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
