काठमाडौं-कोरोना बिमा गरेका ३५ संक्रमितले ३४ लाख रुपैयाँ दाबी भुक्तानी पाएका छन्। त्यस्तै बिमा कम्पनीहरुमा ६३ संक्रमितले ६२ लाख ५० हजार रुपैयाँको दाबी गरेका छन्। उक्त रकम भुक्तानी गर्न बाँकी छ।
सबैभन्दा धेरै युनाइटेड इन्स्योरेन्सले १३ जनालाई एक लाख रुपैयाँका दरले दाबी भुक्तानी गरेको छ। कोरोना संक्रमण बढ्न थालेसँगै बिमा कम्पनीमा दाबी पर्ने क्रम बढेको बिमा समितिका कार्यकारी निर्देशक राजुरमण पौडेलले जानकारी दिए। पछिल्लो समय लुम्बिनी इन्स्योरेन्समा मात्रै २९ जनाले दाबी गरेका छन्।
हालसम्म बिमा कम्पनीहरुले ६ लाख २० हजार ६७५ जनाको कोरोना बिमा गरिसकेका छन्। उक्त बीमितमार्फत् कम्पनीहरुले ३४ करोड ९२ लाख रुपैयाँ बिमा शुल्क आर्जन गरेका छन्।
बिमा समितिले कोरोना संक्रमितको संख्या बढ्न थालेपछि बैशाख ४ गते कोरोना भाइरस बिमा लेख जारी गरेको थियो। कोरोनाको संक्रमणको उच्च जोखिम देखिएपछि यस पोलिसीमा सर्वसाधारणको अत्याधिक आकर्षण बढेको हो।
सर्वसाधारणले एक लाख रुपैयाँ र ५० हजार रुपैयाँको दुईमध्ये एउटा बिमा लेख खरिद गर्न सक्छन्। एक लाख रुपैयाँको बिमालेख खरिद गर्दा एक हजार रुपैयाँ प्रिमियम तिर्नु पर्छ। यदि परिवारको सामूहिक बिमा गरेमा प्रतिव्यक्ति थप ६ सय रुपैयाँ भुक्तानी गर्नु पर्छ।
त्यस्तै ५० हजार रुपैयाँको बिमालेख खरिद गरेमा बिमाशूल्क ५०० रुपैयाँ भुक्तानी गर्नु पर्छ। परिवारको हकमा थप प्रतिव्यक्ति तीन सय रुपैयाँ भुक्तानी गर्नु पर्छ। यदि बीमित कोरोना संक्रमित भएमा बिमाङ्क बराबरकै रकम प्राप्त गर्न सक्छन्। बीमितको पिसीआर परीक्षण पोजेटिभ देखिए दाबी पाउछन्।
कसरी पाउने दाबी?
कोरोना संक्रमित बीमितले दाबी गर्न सक्ने भएपछि ७ दिनभित्रमा बिमा कम्पनीहरुमा दाबीका लागि निवेदन दिन सक्छन्। दाबी गर्नका लागि बीमितको नाम रोग सुरु भएको मिति र विवरणको कागज प्रयोग गर्नु पर्छ। पूर्ण रुपमा भरिएको दाबी फारम बिमा कम्पनीमा बुझाउनु पर्छ। कोरोना रोग पुष्टि भएको परीक्षणको सम्पूर्ण कागजपत्रहरुका साथै अस्पताल भर्ना भएको अवस्थामा भर्ना भएको वा फिर्ता गर्ने समयमा दिने कागज वा अस्पताल वा चिकित्सकले दिएको कागज पेश गर्नु पर्छ।
बिमा लेख जारी भएको १५ दिनभित्रमा कोरोना संक्रमण भएमा दाबी भुक्तानी गर्न मिल्दैन। यो बिमालेखको समयावधि १२ महिनासम्म रहनेछ।
यो बिमालेख बिमा कम्पनीहरुले इन्स्योरेन्स पुलमार्फत् भाग लगाएर दायित्व तथा बिमा शुल्क प्राप्त गर्न सक्छन्।
चालु आर्थिक वर्षको बजेटमा सम्पूर्ण नेपालीको कोरोना बिमा गर्ने व्यवस्था छ। साथै राष्ट्रसेवक कर्मचारीहरुको एक लाख रुपैयाँ बराबरको कोरोना बिमा गर्दा पूर्ण रुपमा प्रिमियम सरकारले तिरिदिने व्यवस्था छ। यसैअनुसार बिमा समितिले राष्ट्रसेवक कर्मचारीहरुको बिमा गर्ने मोडालिटी बनाइसकेको छ।
राष्ट्रसेवक कर्मचारीको बिमा गर्नका लागि सम्बन्धित सरकारी कार्यालयले आफ्नो मातहतका कर्मचारीको विवरण जुनसुकै बिमा कम्पनीमा बुझाउन सक्छन्। त्यस्तै सर्वसाधारणले बिमा गर्दा ५० प्रतिशत बिमा शुल्क छुट पाउछन्। आजदेखि कोरोना बिमा गर्ने सर्वसाधारण नेपालीले एक लाखको बिमा गर्दा ५०० रुपैयाँ र ५० हजार रुपैयाँको बिमा गर्दा २५० रुपैयाँ भुक्तानी गरे पुग्छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1737002671.jpg)
