एनआरएन इन्फ्रास्ट्रक्चरको आइपिओमा एक लाखभन्दा बढी आवेदकले सेयर नपाउने

बैंक/बिमा/सेयर

नेपाल लाइभ बुधबार, साउन २१, २०७७ १९:३१

काठमाडौं- एनआरएन इन्फ्रास्ट्रक्चर डेभलपमेन्ट कम्पनीले निष्काशन गरेको प्राथमिक सेयरमा आवेदन गर्ने १ लाखभन्दा बढीले सेयर नै नपाउने भएका छन्। कम्पनीको आइपिओमा ४ लाख २८ हजार आवेदन दिएका भएपनि १ लाखभन्दा बढीको हात रित्तो हुने भएको हो।

कम्पनीले निष्काशन गरेको आइपिओमा ५.२४ गुणा बढी आवेदन परेपछि धेरै आवेदकले सेयर नपाउने देखिएको छ। सर्वसाधारण तर्फको सेयरका लागि एक करोड ६५ लाख कित्ताको लागि आवेदन परेको थियो।

कम्पनीको आइपिओ न्युनतम १० कित्ताको दरले भाग लगाउँदा जम्मा तीन लाख १६ हजारले प्राप्त गर्न सक्छन्। यस आधारमा एक लाख १२ हजार आवेदकको हात खाली हुनेछ।

कम्पनीले गत शुक्रबारदेखि बुधबारसम्म बिक्री खुला गरेको थियो। विगत लामो समयदेखि जलविद्युत कम्पनीमा लगानीकर्ताको खासै आकर्षण थिएन। तर जलविद्युत कम्पनीमा लगानी गर्ने यस कम्पनीको सेयरमा भने आकर्षण देखिएको हो।

एनआरएनको प्रमुख लगानी रहेको यस कम्पनीले चार वटा जलविद्युत् आयोजनामा लगानी गरेको छ। तर कम्पनीको प्रतिसेयर आम्दानी हेर्ने हो भने खासै आकर्षक छैन। अझै केहि वर्षसम्म कम्पनीको आम्दानी सुधार हुने देखिदैन।

हाल निष्काशन गरेको सेयरमध्ये २ प्रतिशत अर्थात् ६७ हजार ९६१ कित्ता कर्मचारीहरुको लागि, सामूहिक लगानी कोषका लागि ५ प्रतिशत अर्थात् एक लाख ६९ हजार कित्ता सेयर छुट्टाएको छ।

कम्पनीले हिमालयन पावर पार्टरमा ३८ करोड तीन लाख रुपैयाँ लगानी गरेको छ। २७ मेगावाट क्षमताको यो कम्पनीले मंसिरबाट व्यावसायिक उत्पादन सुरु गर्ने लक्ष्य लिएको छ। यस कम्पनीले अर्को ७३ मेगावाट क्षमताको सानिमा मिडिल तमोर हाइड्रोपावरमा लगानी गरेको छ। सानिमा मिडिलमा कम्पनीले ६ करोड ४० लाख रुपैयाँ लगानी गरेको छ। सानिमा मिडिलले व्यावसायिक उत्पादन गर्न २ वर्ष लगाउने लक्ष्य लिएको छ।

कम्पनीले २८ मेगावाट क्षमताको लिखु जलविद्युत् कम्पनीमा १० करोड रुपैयाँ लगानी गरेको छ। व्यावसायिक उत्पादन सुरु गर्न अझै साढे एक वर्ष लाग्ने कम्पनीले जनाएको छ। कम्पनीले १४ मेगावाट क्षमताको मैंलुङ खोला जलविद्युत् आयोजनामा २ करोड २५ लाख रुपैयाँ लगानी गरेको छ। यसको व्यावसायिक उत्पादनका लागि २०७८ असार लाग्ने अनुमान गरिएको छ। कम्पनीको कार्यकारी अध्यक्ष जिवनाथ लामिछाने रहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सरकारले अध्यादेश ल्याएर कानुन सुधार गर्न खोजेकोप्रति निजी क्षेत्र उत्साहित रहेको गगन थापाको दाबी

डा. निकोलस भुसाललाई ५० हजार धरौटीमा छाड्न अदालतको आदेश

जिबी राईको राहदानी रद्द गर्न अदालतको अनुमति