महाधिवेशनमा देउवालाई गरेको सर्मथन फिर्ता लिने नेता गुरुङको घोषणा, ६ महिनाभित्र महाधिवेशन गर्न माग

राजनीति

नेपाल लाइभ आइतबार, वैशाख ९, २०७५ ११:२२

काठमाडौं– नेपाली कांग्रेसका वरिष्ठ नेता केबी गुरुङले महाधिवेशनको समयमा पार्टी अध्यक्ष शेरबहादुर देउवालाई गरेको सर्मथन फिर्ता लिएका छन्। उनले ६ महिनात्रभित्र सबै समितिहरु विघटन गर्दै महाधिवेशनमा जान सुझावसमेत दिएका छन्।

आइतबारबाट सुरु भएको केन्द्रिय समिति बैठकमा बोल्दै गुरुङले देउवाले पार्टी नभइ गुट सञ्चालन गरेको आरोप लगाए।

भागवण्डाको राजनीति अन्त्य हुने अपेक्षा गरी सभापति देउवालाई १३औं महाधिवेशनमा सभापतिको उम्मेदवारका रुपमा प्रस्ताव गरेको सम्झदै गुरुङले आफूले गरेको सर्मथन फिर्ता लिएको बताए।

पार्टी सभापति देउवाले आफ्नो विश्वास विपरित गुटको राजनीतिलाई प्रोत्साहन गर्ने र विधान विपरित काम गर्ने गरेको भन्दै उनले देउवाको टिप्पणी गरेका हुन्।

नयाँ संविधान बमोजिम पार्टी संगठन निर्माण गर्न केन्द्रदेखि स्थानीय तहसम्मका सबै समिति विघटन गरी तदर्थ समिति बनाएर ६ महिनाभित्र महाधिवेशनमार्फत नयाँ नेतृत्व चयन गर्न गुरुङले सुझाव दिएका छन्।

नेता गुरुङले नयाँ संविधानअनुसार कांग्रेस पनि नयाँ हुनुपर्ने भन्दै सोही अनुरुपको नेतृत्व चयन हुनुपर्ने बताए। हालै सम्पन्न ३ तहको निर्वाचनमा पार्टी पराजित भएको सन्दर्भमा विश्लेषण गर्दै गुरुङले पार्टीले आफ्नो स्थापनाकालिन नीति र सिद्धान्त एवम् राजनेता बिपी कोइरालाले अवलम्वन गरेको विचार र चिन्तनलाई छोडेको आरोप लगाए।

पार्टीको नीति, सिद्धान्त र कार्यक्रमलाई भन्दा सत्तालाई प्राथमिकता दिंदै कहिले उग्रवामपन्थीहरुसँग त कहिले उग्रदक्षिणपन्थीहरुसँग अंकमाल गर्ने नेतृत्वको कार्यशैलीले निर्वाचनमा पार्टी पराजित भएको गुरुङले आरोप लगाएका छन्।

निर्वाचनको समिक्षा गर्न बसेको पार्टी केन्द्रीय समिति बैठकमा पराजयको कारण पहिल्याउने भन्दा पनि एक अर्काप्रति दोषारोपण गरेर आफू चोखो हुने प्रवृतिको पनि उनले विरोध गरेका छन्।

निर्वाचनमा पार्टी सभापति शेरबहादुर देउवा र वरिष्ठ नेता रामचन्द्र पौडेल पक्षले टिकट वितरणमा विधान विपरितको भागवण्डा गरेकाले पार्टीको पराजयमा दुवै नेता दोषी रहेको गुरुङले जिकिर गरे। नेता गुरुङले विधानमा समयानुकूल परिमार्जन गर्न माग समेत गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

युवा संघकाे अध्यक्षका लागि क्षितिज थेबेद्बारा मनोनयन दर्ता

कोशी प्रदेश सरकारको नीति तथा कार्यक्रम पारित

रास्वपाले स्वीकृत गर्‍यो सुमनाको राजीनामा