काठमाडौं– नेपाल टेलिकमले ग्राहकहरुको सुविधाका लागि विभिन्न प्याकेजसहितको आकर्षक समर अफर उपलब्ध गराउने भएको छ। यसअघि नै उपलब्ध स्प्रिङ अफरअन्तर्गतका प्याकेजहरुलाई परिमार्जन गरी समर अफर उपलब्ध गराएको टेलिकमले जनाएको छ।
समर अफर सेवा बिहीबारदेखि ९० दिनसम्म उपलब्ध हुने टेलिकलमे जनाएको छ।
यस्तो छ टेलिकमले ल्याएको अफर
- कम्पनीले युट्युब स्ट्रिमिङ डाटा प्याकअन्तर्गत रुपैयाँ २५ मा एक दिनका लागि १ जीबी डाटा उपलब्ध हुनेछ।
- सोसल मिडिया प्याकअन्तर्गत रुपैयाँमा १५ मा एक दिनका लागि २०० एमबी डाटा। सोसल मिडिया प्याकमार्फत फेसबुक, ट्विटर, इन्स्टाग्राम र ह्वाट्सएप चलाउन सकिनेछ।
- रातिको समयमा प्रदान गरिएको भ्वाइस प्याक यसअघि राति १० बजेदेखि बिहान ६ बजेसम्म मात्र उपलब्ध भएकोमा अब एक घण्टा बढाएर बिहान ७ बजेसम्म उपलब्ध हुने। नाइट टाइम भ्वाइस प्याक अन्तर्गत १० रूपैयाँमा उपलब्ध ६० मिनेटको भ्वाइस प्याक यथावत उपलब्ध छ भने १५ रूपैयाँमा ३ रातका लागि २०० मिनेट र ३० रूपैयाँमा ७ रातका लागि ३५० मिनेट भ्वाइस प्याक उपलब्ध हुनेछ। यी प्याक राती १० बजेदेखि बिहान ७ बजेसम्म प्रयोग गर्न सकिने भएको छ।
- अल टाइम डाटा प्याकअन्तर्गत ३ दिन, ७ दिन र २८ दिनका लागि लिन सकिने प्याकमा केही परिमार्जन गरिएको छ। यसमा ६० रूपैयाँमा ३ दिनका लागि ४०० एमबी, १०० रूपैयाँमा ७ दिनका लागि ८०० एमबी, २८० रूपैयाँमा २८ दिनका लागि २.५ जीबी, ५०० रूपैयाँमा २८ दिनका लागि ७ जीबी र ८०० रूपैयाँमा २८ दिनकै लागि १६ जीबी डाटा उपलब्ध हुनेछ।
- डे डाटा प्याकअन्तर्गत १० रूपैयाँमा ८० एमबी र १८ रूपैयँमा २५० एमबी डाटा प्याक प्राप्त गर्न सकिनेछ। बिहान ६ बजेदेखि साँझ ६ बजेसम्म प्रयोग गर्न सकिने सो प्याकको समयावधि २४ घण्टा हुनेछ।
- वान नाइट अनलिमिटेड डाटाअन्तर्गत राती ११ बजेदेखि बिहान ६ बजेसम्म चलाउन सकिने प्याकेज २० रूपैयाँमा उपलब्ध हुनेछ।
- डे भ्वाइस प्याकअन्तर्गत १२ रूपैयाँमा बिहान ५ बजेदेखि साँझ ५ बजेसम्म १२० मिनेट कल गर्न सकिने अर्को प्याक पनि उपलब्ध हुनेछ। यो अफरमा प्रदान गरिएको १२० मिनेट एकैदिन प्रयोग भएन भने भोलिपल्ट २४ घण्टासम्म सोही अवधिमा प्रयोग गर्न सकिनेछ।
- १५ रूपैयाँमा बिहान ५ बजेदेखि साँझ ५ बजेसम्म लागू हुने अनलिमिटेड कल अफरलाई निरन्तरता दिइएको छ।
- लार्ज डाटा प्याकअन्तर्गत अब १,६०० रूपैयाँमा ६० दिनका लागि ३० जिबी प्याक र ३००० रूपैयाँमा १२० दिनका लागि ६० जीबी प्याक उपलब्ध हुनेछ।
- फोरजी/एलटीई अफरअन्तर्गत १५ रुपैयाँमा १ दिनका लागि जम्मा १०० एमबी डाटा उपलब्ध हुनेछ। यसबाट ५० एमबी सबै नेटवर्कमा प्रयोग गर्न सकिनेछ र थप बोनसको रुपमा फोरजी नेटवर्कमा प्रयोग गर्न सकिने ५० एमबी डाटा उपलब्ध हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
