काठमाडौं- कोरोना भाइरस महामारीले निम्त्याएको विश्वव्यापी सहज परिस्थितिमा राष्ट्रिय ध्वजावाहक नेपाल वायुसेवा निगमले विभिन्न ५८ वटा उडानमार्फत् विदेशमा समस्या परेका १० हजार ९ सय १२ नेपालीहरुको उद्धार गरेको छ।
निगमले जुन १४ देखि जुलाई १२ सम्म १० हजार ९१२ यात्रुको उद्धार गरी स्वदेश फिर्ता गरेको हो। दुबई, दोहा, क्वाललम्पुर, सिड्नी, ब्रिसबेन, नारिता, बैंकक, हङकङ, बहराइन, कुबेत, रियाद, जेद्दा, माले, ढाकालगायतका गन्तव्य मुलुकमा समस्या परेका नेपालीहरु उद्धार गरेको निगमले जनाएको छ।
त्यस्तै निगमले चीनको ग्वाङझाओ, चाङ्सा, कुनमिङ र बेइजिङबाट कार्गो चार्टर्ड उडानमार्फत् स्वास्थ्य सामग्रीसमेत ढुवानी गरेको थियो। आगामी दिनमा पनि निगमले आफ्नो सामाजिक जिम्मेवारी पूरा गर्दै थप चुस्तताका साथ नियमित व्यावसायिक उडानसमेत जारी राख्ने प्रतिबद्धता गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
