काठमाडौं- अमेरिकी इलेक्ट्रिक कार निर्माता कम्पनी टेस्लाले जापानी कार निर्माता टोयोटालाई उछिन्दै विश्वको पहिलो मूल्यवान कम्पनी बनेको छ। यसअघि टोयोटा विश्वको पहिलो मूल्यवान अटोमोबाइल कम्पनी थियो।
बुधबार टेस्लाको सेयर मूल्य ४ प्रतिशतले बढ्दा बजार पुँजीकरण २ सय ६ अर्ब डलर पुगेको छ। यता टोयोटाको सेयर मूल्य भने १ प्रतिशतले घट्दा बजार पुँजीकरण २ सय ३ अर्ब डलरमा सीमित भएको छ।
लगानीकर्ताहरूले कम्पनीको दोस्रो त्रैमासको वित्तीय विवरण राम्रो आउने प्रक्षेपण गर्दै टेस्लाको सेयर अघिल्ला दुई कार्य दिनको मूल्यको तुलनामा १२ प्रतिशतसम्म बढी बोलकबोल गरेका थिए।
टेस्लाका सिइओ एलन मस्कले सोमबार आफ्ना कर्मचारीहरुलाई खुसी हुँदै कम्पनीले राम्रो गरिरहेको र दोस्रो त्रैमासमा ब्रेकइभन गर्न सक्ने इमेल मार्फत भनेका थिए।
केही महिनाअघि मात्र टेस्लाले १० लाख कार उत्पादन गरेको जनाएको थियो। इलेक्ट्रिक कारमा टेस्लाले विश्वमा नयाँ बेन्चमार्क नै खडा गरेको छ।
अमेरिकामा मात्र प्लान्ट स्थापना गरेर कार बनाउँदै आएको टेस्लाले चीनमा समेत कार उत्पादन सुरू गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751533150.jpg)
-1749826086.png)
