दुर्गा प्रसाईंको पूर्वाञ्चल क्यान्सर हस्पिटलले जुटायो ८० प्रतिशत लगानी

कर्पोरेट

नेपाल लाइभ बिहीबार, जेठ २९, २०७७ १८:५७

काठमाडौं- दुर्गा प्रसाइको निर्माणाधीन पूर्वाञ्चल क्यान्सर हस्पिटलले ८० प्रतिशत लगानी जुटाएको छ। हस्पिटल निर्माणको लागत दुई अर्ब ६४ करोड रुपैयाँ लाग्ने अनुमान गरिएको छ। आगामी चैत बैसाखदेखि व्यावसायिक सञ्चालन गर्ने गरी निर्माण भइरहे पनि कोभिड-१९ ले असर पारेपछि तोकिएको समयमा अस्पताल संचालनमा आउन सकेको छैन।

निर्माण लागतको ८० प्रतिशत जुटाइसकेको छ। जम्मा लागतमध्ये ७० प्रतिशत ऋण र ३० प्रतिशत शेयर पुँजीबाट जुटाउनेछ। हस्पिटलले विभिन्न बैंकबाट एक अर्ब ५५ करोड रुपैयाँ ऋण लिएको छ। उक्त ऋणको लागि गरिएको रेटिङअनुसार मध्यम किसिमको जोखिम जनाउने ‘केयर एनपि डबल बी’ प्राप्त गरेको छ।

समयमा वित्तीय दायित्व पूरा गरेको खण्डमा कर्जा बिग्रिने सम्भावना मध्यम किसिमको रहेको रेटिङ एजेन्सी केयर रेटिङ नेपालले जनाएको छ। हस्पिटलको भवन निर्माणको काम सकिएको छ। अधिकांश स्वास्थ्य उपकरण अमेरिका तथा युरोपबाट ल्याएको छ। अझै केही सामान आउन बाँकी छ। लकडाउनका कारणले उक्त सामान आउन रोकिँदा निर्माण कार्यमा ढिलाइ भएको छ।

हस्पिटलका लागि आवश्यक उपकरण युरोप अमेरिकाबाट ल्याउनु पर्ने हुँदा बढ्दो डलरको भाउले लागत बढाउदै छ। त्यस्तै बैंकको व्याजमा भैरेको उतार चढावको जोखिम उच्च रहेको रेटिङ एजेन्सीले जनाएको छ।

अनुभवी स्वास्थ्यकर्मी तथा डाक्टरका कारण जोखिममा केहि हदसम्म न्यूनीकरण गरेको छ। झापा जिल्लामा रहेको यस अस्पतालको ३ सय शय्या रहनेछ। प्रदेश १ मा यो पहिलो क्यान्सर अस्पताल हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अवैध रुपमा लाओस भई थाइल्यान्ड छिरेका नेपालीलाई फर्काइयो नेपाल

एक महिनादेखि रेसुङ्गा विमानस्थलमा हवाई सेवा बन्द

ट्रम्पको शपथग्रहणकै दिनबाट गैरकानूनी आप्रवासी पक्राउ र डिपोर्ट हुँदै, सिकागोबाट सुरु हुने