काठमाडौं- भारतमा २ लाख ७६ हजार १ सय ४६ जनामा कोरोना संक्रमण पुष्टि भएको छ। सर्वाधिक संक्रमण फैलिएका देशको सूचीमा भारत पाँचौं स्थानमा छ।
जोन हप्किन्स विश्वविद्यालयले प्रकाशित गरेको बुधबार बिहानसम्मको तथ्यांक अनुसार सूचीको पहिलो स्थानमा अमेरिका छ। त्यस्तै, क्रमशः ब्राजिल, रुस, बेलायत तथा भारत छन्।
भारतमा बुधबार बिहानसम्म ७ हजार ७ सय ५० जनाको मृत्यु भएको छ। त्यस्तै, १ लाख ३४ हजार ६ सय ६७ जना संक्रमणमुक्त भएका छन्।
विश्वभर कोरोना : ७१ लाख ८५ हजार संक्रमित, ४ लाख ८ हजारको प्रश्न
विश्वभर ७१ लाख ८५ हजार ५ सय ७३ जनामा कोरोना संक्रमण पुष्टि भएको छ। जोन हप्किन्स विश्वविद्यालयले प्रकाशित गरेको बुधबार बिहानसम्मको तथ्यांक अनुसार अमेरिकामा सर्वाधिक १९ लाख ७३ हजार ८ सय ३ जनामा संक्रमण पुष्टि भएको छ।
त्यस्तै, ब्राजिलमा ७ लाख ७ हजार ४ सय १२, रुसमा ४ लाख ८४ हजार ६ सय ३०, बेलायतमा २ लाख ९० हजार ५ सय ७६ जनामा कोरोना संक्रमण पुष्टि भएको छ।
विश्वभर ४ लाख ८ हजार ९ सय ५४ जना कोरोना संक्रमितको मृत्यु भएको छ। मृत्यु हुनेको संख्या अमेरिकामा सर्वाधिक १ लाख ११ हजार ७ सय ५१ जनाको मृत्यु भएको छ। त्यस्तै, बेलायतमा ४० हजार ९ सय ६८, ब्राजिलमा ३७ हजार १ सय ३४, इटालीमा ३४ हजार ४३ जनाको मृत्यु भएको छ।
विश्वभर ३३ लाख ५२ हजार ६ सय ६५ जना कोरोना संक्रमणमुक्त भएका छन्। संक्रमणमुक्त हुनेको संख्या अमेरिकामा सर्वाधिक ५ लाख १८ हजार ५ सय २२ छ। त्यस्तै, ब्राजिलमा ३ लाख ८९ हजार ४ सय ८८, रुसमा २ लाख ४१ हजार ९ सय १७, जर्मनीमा १ लाख ७० हजार १ सय २९ जना संक्रमणमुक्त भएका छ्न्।
नेपालमा कोरोना संक्रमण पुष्टि हुनेको संख्या ४ हजार नाघेको छ। अहिलेसम्म ४ हजार ८५ जनामा संक्रमण पुष्टि भएको छ। तीमध्ये ५ सय ८४ जना संक्रमणमुक्त भएका छन् भने १५ जनाको मृत्यु भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
