काठमाडौं- नेपाली सेनाले हालसम्म ११ सय ४२ किलोमिटर सडक निर्माण गरेको उपप्रधान तथा रक्षा मन्त्री इश्वर पोखरेलले बताएका छन्। प्रतिनिधिसभामा बजेटबारे उठेका प्रश्नको जवाफ दिँदै मन्त्री पोखरेलले यस्तो बताएका हुन्।
नेपाली सेनालाई किन व्यवसायिक र विकास निर्माणमा लगाइएको भन्ने प्रश्नको जवाफमा उनले नेपाली सेनाकै कारण अहिलेसम्म ११ सय ४२ किमि सडक बनेको र २०१६ मा कान्ति लोकपथबाट सडक निर्माण सुरु गरेको स्मरण गराए।
त्यसयता कर्णाली राजमार्गसहित कठिन सडकहरूको निर्माण नेपाली सेनाले नै गर्दै आएको छ। पछिल्लो सडक दार्चुला टिङ्कर सडक निर्माणको जिम्मा समेत मन्त्रिपरिषद्ले नेपाली सेनालाई दिएको छ। त्यस्तै राष्ट्रिय गौरवको आयोजनामा राखिएको काठमाडौं–तराई जोड्ने फास्ट ट्र्याकको निर्माणको जिम्मासमेत सेनालाई नै दिइएको छ।
नेपाली सेनालाई संवैधानिक व्यवस्था तथा ऐन कानुनको परिधिभित्रै रहेर काम गर्न दिइएको मन्त्री पोख्रेलले स्पष्ट पारे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
