सरकारले केही दिनभित्रै धानको समर्थन मूल्य तोक्छ : उद्योगमन्त्री भट्ट

कृषि

नेपाल लाइभ सोमबार, जेठ २६, २०७७ १९:०९

फाइल तस्बिर

काठमाडौं- सरकारले केही दिन भित्रमा धानको समर्थन मूल्य तोक्ने भएको छ। उद्योग वाणिज्य तथा आपूर्तिमन्त्री लेखराज भट्टले केही दिन भित्रमा धानको समर्थन मूल्य तोक्ने तयारी भइरहेको बताएका हुन्।

प्रतिनिधि सभाको सोमबारको बैठकमा विनियोजन विधेयक २०७७ अन्तर्गत मन्त्रालयगत बजेट छलफलमा सांसदहरुले उठाएको प्रश्नको जवाफ दिँदै उनले किसानले उत्पादन गर्ने सबै कृषि उपजको न्यूनतम समर्थन मूल्य तोक्ने नीति अनुसार केही दिन भित्रमा धानको मूल्य तोक्ने बताएका हुन्। उनले धान रोप्ने समय भइसकेकाले छिट्टै मूल्य तोक्न लागिएको उल्लेख गरेका हुन्।

मन्त्री भट्टले किसानलाई उत्पादनको उचित मूल्य प्रदान गर्न न्यूनतम समर्थन मूल्य तोक्ने र उत्पादित वस्तु सरकारले नै खरिद गर्ने विषयमा स्पस्ट पारे। ‘कृषकहरुलाई आफ्नो उत्पादनको उचित मूल्य प्रदान गर्न बालि लगाउनु पूर्व नै न्यूनतम समर्थन मूल्य तोकिने छ। धानबाली लगाउने समय सुरु हुने भएकाले आगामी आर्थिक वर्षका लागि धानको न्यूनतम समर्थन केही दिनमै तोकिने छ। चालु आर्थिक वर्षमा धानको न्यूनतम मूल्य तोकि करिब २० हजार मेट्रिकटन धान र करिब ५ सय ६० मेट्रिकटन गहुँ खरिद गरिएको र गहुँको खारिद गर्ने क्रम जारी नै रहेको छ,’ उनको भनाइ थियो।

यस्तै स्वदेशी उत्पादनले बजार पाउने गरी आपूर्ति श्रङ्खलालाई थप प्रभावकारी बनाइएको समेत दाबी गरे। आयात र बजारको मागको एकिकृत तथ्याङ्कमा प्रशोधन र विश्लेषण गरी आपूर्ति व्यवस्थालाई सुदृढ गर्न एकीकृत आपूर्ति व्यवस्थापन प्रणाली निर्माण गरिने उनले उल्लेख गरे।

देशभर कुल ३ लाख १० हजार मेट्रिक टन खाद्यन्न मौज्दात राख्ने गरी पूर्वाधार निर्माण र अन्य व्यवस्था गरिएको मन्त्री भट्टले जानकारी दिए। उनले बजार अनुगमन निरन्तर भइराखेको र उपभोक्ता संरक्षण ऐन र नियमावली कार्यान्वयनमा आएपछि बजार अनुगमनमा प्रभावकारीता आएको जिकिर गरेका छन्।

यस्तै उपत्यकाका औद्योगिक क्षेत्रलाई स्थानान्तरण गर्ने विषयमा सरकारले अध्ययन गरिराखेको उल्लेख गरे। मानव वस्ती नजिक रअ‍ेका औद्योगिक क्षेत्रले वातावरणलाई प्रदुषित पारेको भन्दै सांसदहरुले औद्योगिक क्षेत्रको स्थानान्तरण सम्बन्धमा प्रश्न गरेपछि मन्त्री भट्टले यस्तो बताएका हुन्। नेपाल सरकार अन्तर्गतका रुग्ण उद्योगलाई सञ्चालन गर्न गुरु योजना तयार गरिनेसमेत उनले उल्लेख गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

भारत-पाकिस्तान सीमा क्षेत्रमा पुनः गोलाबारी सुरु

नेपालमा लगानी गर्न व्यवसायीलाई अध्यक्ष ढकालको आग्रह

सगरमाथा संवादको अन्तिम तयारीमा छौँ : परराष्ट्रमन्त्री