प्रतीकात्मक फोटो
काठमाडौं- जनकपुर उपमहानगरपालिका–१७ बलौनीबाट अटोमेटिक पेस्तोल १ थान, म्यागजिन ३ थान, गोली ५ राउण्ड र चक्कु १ थानसहित एक युवक पक्राउ परेका छन्।
पक्राउ पर्नेमा महोत्तरीको लोहरपट्टी नगरपालिका–८ भम्रपुरा बस्ने डिके भन्ने २० वर्षीय अजिजुल राइन छन्।
प्रदेश २ प्रहरी कार्यालय जनकपुर र जिल्ला प्रहरी कार्यालय धनुषाबाट खटिएको प्रहरीले उनलाई जनकपुर उपमहानगरपालिका–१७ बलौनीस्थित आँपको बगैंचाबाट आइतरबार दिउँसो उनलाई पक्राउ गरेको हो।
ज ४ प ३९३३ नम्बरको मोटरसाइकल रोकेर बसेको अवस्थामा जाँच गर्दा उनको साथबाट उक्त हातहतियार फेला परेको हो।
राइन उपर हातहतियार तथा खरखजाना सम्बन्धी मुद्दामा थप अनुसन्धान भइरहेको जिल्ला प्रहरी कार्यालय धनुषाले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
