काठमाडौं- नेपाल वायुसेवा निगम (नेपाल एयरलाइन्स)ले आर्थिक वर्ष २०७५/०७६ मा झन्डै २ अर्ब रुपैयाँ नोक्सानी व्यहोरेको छ। अर्थ मन्त्तालयले मंगलबार सार्वजनिक गरेको सार्वजिनक गरेको सार्वजनिक संस्थानको वार्षिक स्थिति विवरणअनुसार नेपाल एयरलाइन्स गत आर्थिक वर्ष २०७५/०७६ मा कुल १ अर्ब ९६ करोड ५४ लाख रुपैयाँ घाटामा गएको हो।
आर्थिक वर्ष २०७४/०७५ मा २० करोड रुपैयाँ नाफामा रहेको नेपाल एयरलाइन्स गत आर्थिक वर्षमा भने घाटामा गएको हो। त्रिभुवन अन्तर्राष्ट्रिय विमानस्थलको ग्राउन्ड ह्यान्डिलङ समेत गर्दै आएको निगम पछिल्ला केही वर्षदेखि नाफामा थियो। तर, दुई वटा वाइडबडी जहाज खरिद गर्दै प्रभावकारी रुपमा जहाज फूल फेजमा सञ्चालन गर्न नसक्दा र आन्तरिक उडानको रहेका चिनियाँ जहाजका कारण नेपाल वायुसेवा निगम घाटामा गएको हो।
योसँगै एयरलाइन्सको सञ्चित घाटा बढेर ५ अर्ब ५३ करोड ५२ लाख रुपैयाँ पुगको छ। चालू आर्थिक वर्ष २०७६/०७७ मा भने नेपाल एयरलाइन्सले अझै यो भन्दा बढी नोक्सानी व्यहोर्ने निश्चित छ। कोभिड–१९ का कारण नेपाल एयरलाइन्सको व्यापार नै घटेकाले यसको घाटा बढ्ने भएको हो।
नेपाल एयरलाइन्सले सरकार लाई बुझाउनुपर्ने ऋण मात्रै ३ अर्ब ६० करोड ९८ लाख रुपैयाँ रहेको छ। यसको ब्याज पनि ३५ करोड ७ लाख रुपैयाँ रहेको अर्थ मन्त्रालयले सार्वजनिक गरेको सार्वजनिक संस्थानहरुको वित्तीय विवरण उल्लेख छ।
यसबाहेके नेपाल एयरलाइन्सले विभिन्न वित्तीय संस्थासँग लिएको ऋण ३५ अर्ब ५९ करोड २३ लाख रुपैयाँ छ। यसको ब्याज रकम मात्रै २ अर्ब ३१ करोड ५८ लाख रुपैयाँ हुन आउँछ। साथै भाका नाघेको ऋणको साँवा रकम ४९ करोड १३ लाख रुपैयाँ र ब्याज रकम ३५ करोड ७ लाख रुपैयाँ पुगेको छ। नेपाल एयरलाइन्समा कुल १ हजार ४ सय ७५ जना कर्मचारी छन्।
कुन शीर्षकमा कति खर्च?
नेपाल एयरलाइन्सले गत आर्थिक वर्ष २०७५/०७६ कुल १६ अर्ब ५ करोड ५१ लाख ३८ हजार ७ सय रुपैयाँ आम्दानी गरेको थियो। तर, एयरलाइन्सले सञ्चालन खर्च तर्फ भने १८ अर्ब ३८ करोड ५६ लाख २७ हजार ७ सय १२ रुपैयाँ खर्च गरेको थियो। यसैगरी सोही अवधिका एयरलाइन्सले सञ्चालन नाफा/नोक्सानीबाट १३ करोड १२ लाख २४ हजार ९४ रुपैयाँ नाफा गरेका थियो। यसैगरी निगमले अन्य विभिन्न आय शीर्षकबाट ३६ करोड ५१ लाख ५ हजार ९ सय ९६ रुपैयाँ नाफा गरेको सार्वजनिक संस्थानहरूको वित्तीय विवरणमा उल्लेख छ।
सोही आधारमा नेपाल एयरलाइन्सले करसमेत रकम कटाएर गत आर्थिक वर्षमा १ अर्ब ९६ करोड ५३ लाख ८२ हजार ९ सय २५ रुपैयाँ घाटा व्यहोरेको छ।
नेपाल एयरलाइन्सले चालु आवमा ३ अर्ब २२ करोड ४० लाख रुपैयाँभन्दा बढी नाफा गर्ने लक्ष्य लिएपनि समीक्षा अविधि (फागुनसम्म)मा ४१ करोड ९३ लाख रुपैयाँ भन्दा बढी नोक्सानीमा गएको अनुमान गरिएको छ।
नेपाल एयरलाइन्ससँग अहिले अन्तर्राष्ट्रिय उडानतर्फ ४ वटा जहाज छन्। जसमा दुई वटा ए- ३३० वाइडबडी र २ वटा एयरबस ३२० छन्। निगमले अहिले जापानको नारिता, भारतका ३ सहर, मलेसिया, दुबई, कतार, थाइल्यान्ड र हङकङमा उडान गर्दै आएको छ।
यसैगरी निगमको आन्तरिक उडान भने प्रभावकारी हुन सकेको छैन। ९ वटा जहाज रहेको निगमले निरन्तर रुपमा ३ देखि ४ वटा मात्रै जहाज उडान गर्दै आएको छ। ५ वटा जहाज भने सँधै ग्राउन्डेड भएर बस्ने गरेका छन्।
निगमले आन्तरिक उडानमा प्रयोग गर्दै आएको ४ वटा चिनियाँ वाई–१२ जहाज मध्ये २ वटा ग्राउन्डेड छन् भने एउटा सञ्चालनमा छ। एक जहाज भने लकडाउनकै अवधिमा नेपालगञ्जमा दुर्घटना भएदेखि ग्राउन्डेड भएर बसको छ। यसैगरी दुई वटा एमए ६० जहाजमध्ये एउटा ग्राउन्डेड छ भने एउटा मात्रै उडानमा छ। साथै ३ वटा ट्विनअटर जहाज मध्ये एउटा ग्राउन्डेड छन् भने २ वटा उडानमा छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1755350564.jpg)
-1764146706.png)
