काठमाडौं– बन्द रहेका होटललाई सरकारले क्वारेन्टाइन बनाउने योजना अघि बढाएको छ।
प्रधानमन्त्री केपी शर्मा ओलीले बन्द अवस्थामा रहेका होटल र उपयुक्त सार्वजनिक संरचनाहरुलाई समेतलाई क्वारेन्टिनको रुपमा विकास गर्न लागिएको सम्बोधनमा जानकारी गराए।
विदेशबाट नेपाल फर्कन इच्छुकलाई स्वदेश ल्याउन विस्तृत कार्ययोजना ल्याउन सरकारले लागेको उनले जानकारी गराए। विदेशबाट ल्याउनेहरूको व्यवस्थापन गर्न सरकारले होटललाई क्वारेन्टाइन बनाउन लागेको हो। क्वारेन्टिनको संख्या बढाउने र व्यापक सुधार गर्ने उनले जानकारी गराए। क्वारेन्टिनमा राखिएका व्यक्तिहरूको खानपान तथा हेरचाह व्यवस्थित गरिने बताए।
समस्याको प्राथमिकता र तयारीलाई सन्तुलन मिलाउँदै विदेशबाट फर्काउने जानकारी गराए। ‘विश्वका जुनसुकै कुनामा अप्ठ्यारोमा परेका आफ्ना देशबासीहरूलाई सरकारले समयमै उद्धार गर्छ।’ प्रधानमन्त्री ओलीले भने, ‘सरकार आफ्ना नागरिकप्रति संवेदनशील छ।’
कोभिड–१९ सँग जुध्न सक्नेगरी संघ, प्रदेश र स्थानीयतहको सहकार्यलाई थप प्रभावकारी बनाइने बताए। क्वारेन्टिन, राहत वितरण, आपूर्ति प्रणालीको व्यवस्थापन र अनुगमनमा स्थानीय तहलाई सक्षम पार्ने प्रधानमन्त्रीले प्रतिबद्धता जनाए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
