धनगढी- कैलालीमा माटोको ढिस्कोले पुरिएर एक जनाको मृत्यु भएको छ। जिल्लाको बर्दगोरीया गाउँपालिका- ३ बुटकौवाकी ३६ वर्षीया डम्मरा खत्रीको माटोको ढिस्कोले पुरिएर मृत्यु भएको प्रहरीले जनाएको छ।
शनिबार बिहान साढे ९ बजेतिर घर पोत्ने माटो खन्ने क्रममा घटनास्थलमै खत्रीको मृत्यु भएको र अन्य दुई जना घाइते भएको जिल्ला प्रहरी कार्यालय कैलालीले जनाएको छ।
घाइतेहरू १९ वर्षीय कल्पना खड्का र ९ वर्षीय सुनील ढुंगाना हुन्। उनीहरूको अहिले घोडाघोडी अस्पताल सुखडमा उपचार भइरहेको प्रहरी नायव उपरीक्षक दक्षकुमार बस्नेतले बताए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।