काठमाडौं- एसियाली विकास बैंक (एडिबी)ले कोरोना भाइरसको महामारीका कारण विश्व अर्थतन्त्र ८८ खर्ब अमेरिकी डलरसम्मको क्षति पुग्न सक्ने अनुमान गरेको छ। उसले कोरोनाका कारण उत्पन्न आर्थिक क्षति ५८ खर्बदेखि ८८ खर्ब डलरको बीचमा रहने प्रक्षेपण गरेको छ।
विश्व अर्थतन्त्रमा यसको हिस्सा ९.७ प्रतिशत हुनेछ। कोरोना भाइरसका कारण उत्पन्न परिस्थितिको अध्ययन प्रतिवेदन सार्वजनिक गर्दै एडिबीले विश्व अर्थतन्त्रको ६.४ प्रतिशतदेखि ९.७ प्रतिशतसम्म क्षति हुने जनाएको हो।
एडिबीले एसिया प्रसान्त क्षेत्रमा यसको असर २५ खर्ब डलरसम्मको हुने जनाएको छ। यो क्षेत्रले विश्वको कूल उत्पादनको एक तिहाइ हिस्सा ओगट्छ। चीनले मात्रै ११ खर्बदेखि १६ खर्ब डलरको क्षति व्यहोर्नुपर्ने उसको आँकलन् छ।
आफ्नो यसअघिको प्रतिवेदनको नयाँ संस्करणमार्फत उसले विश्व अर्थतन्त्रमा पर्ने क्षतिको नयाँ आँकलन सार्वजनिक गरेको हो। गत अप्रिलमा सार्वजनिक भएको अघिल्लो प्रतिवेदनमा कोरोनाका कारण विश्व अर्थतन्त्रमा ४१ खर्ब डलरसम्मको प्रभाव पर्ने आँकलन गरिएको थियो।
एडिबीले संसारभरका मुलुकहरुले कोरोनाको प्रभाव न्यूनीकरणका लागि स्वास्थ्यसहित अन्य क्षेत्रमा विभिन्न कार्यक्रम ल्याएका कारण यसको असर कम गर्न मद्दत पुगेको पनि जनाएको छ। उसले विश्वभरका मुलुकको सावधानीका कारण ५४ खर्ब डलरसम्मको क्षति न्यूनीकरण भएको उल्लेख गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791562069.png)
-1786602170.png)
