काठमाडौं- संघीय मामिला तथा सामान्य प्रशासन मन्त्रालयले उपत्यकामा कोरोना संक्रमणका दृष्टिकोणबाट जोखिममा रहेका वर्गका व्यक्तिहरूको तत्काल पिसिआर विधिबाट कोरोना परीक्षण गर्न आग्रह गरेको छ।
संघीय मामिला तथा सामान्य प्रशासन मन्त्रीज्यू र उपत्यका नगरपालिका फोरमका पदाधिकारीबीच बिहीबार सम्पन्न बैठकले उपत्यकामा कोरोना संक्रमणको जोखिम न्युनीकरणका लागि यस्तो निर्णय भएको मन्त्रालयले जानकारी दिएको छ।
मन्त्रिपरिषदवाट भएको निर्णय बमोजिम श्रममा आधारित राहत वितरण प्रक्रियालाई विधि सम्मत तरिकाले कार्यान्वयन गर्ने एवं उपत्यका प्रवेशका नाकाहरूलाई थप कडाईका साथ व्यवस्थापन गर्ने विषयमा बैठकमा छलफल भएको थियो।
कार्यक्रममा मन्त्री त्रिपाठीले उपत्यकामा कोरोना सक्रमणको जोखिम न्यनिकरणमा उपत्यकाका नगरपालिकाबाट भएको योगदान एवं प्रयासको प्रशसा गर्दै आगामी दिनमा अझै सशक्त ढगबाट यो अभियानमा सहभागी हुन आग्रह गरे। जोखिममा रहेका वर्गका व्यक्तिहरुको तत्कालै पिसिआर विधिबाट कोरोना परिक्षण प्रक्रिया प्रारम्भ गर्न अनुरोध गरेका थिए।
नगरपालिका फोरमका अध्यक्ष एवं काठमाण्डौ महानगरपालिका प्रमुख विद्यासुन्दर शाक्यले उपत्यका प्रवेशका नाकाहरूलाई थप कडाइ गर्नपर्ने, आगामी दिनमा आई पर्ने जोखिमबाट बच्नका स्थानीय तहलाई आवश्यक सहयोग गर्नुपर्ने तथा स्थानीय तहसंग समन्वय गर्दा एकद्वार नीति कायम गरिदिनुपर्ने विषयमा जोड दिए।
कार्यक्रममा संघीय मामिला तथा सामान्य प्रशासन मन्त्रालयका सचिव श्री सूर्यप्रसाद गौतम, प्रधानमन्त्री तथा मन्त्री परिषद कार्यालयका सचिव श्री महेन्द्रप्रसाद गुरागाई ,उपत्यका नगरपालिका फोरमका पदाधिकारी लगायतको उपस्थिती रहेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1766648928.png)
