धनगढी- कैलालीको गौरिगंगा नगरपालिकाको बिहानी क्षितिज स्कुलका प्रिन्सिपल एवं एन प्याप्सनका केन्द्रीय उपाध्यक्ष कृष्णप्रसाद भुसालको हत्याको छानबिनका लागि दबाब दिन भइरहेको प्रदर्शन स्थगित गरिएको छ।
हत्याको छानबिन र सत्यतथ्य सार्वजनिक गर्न र दोषीलाई हदैसम्म कारबाहीको माग गर्दै दैनिक गौरीगंगा नगरपालिका मसुरियामा हाल भइरहेका जनप्रर्दशनका कार्यक्रम जेठ ५ सम्म स्थगित गरिएको हो।
बुधबार मसुरियामा बसेको सर्वदलीय‚ सर्वपक्षीय बैठकले कृष्णप्रसाद भुसालको हत्या पश्चात् मसुरियामा हाल दैनिकजसो भइरहेका जनप्रर्दशन जेठ ५ गतेसम्मलाई स्थगित गर्ने निर्णय गरेको हो।
भुसाल हत्या प्रकरण सम्बन्धमा न्यायिक छानबिन गरी अपराधीलाई कारबाही गर्ने वातावरण सिर्जना गराउन जिल्ला प्रशासन कार्यालय, जिल्ला प्रहरी कार्यालयलगायतका निकायमा दबाब दिने उद्देश्यले २ वटा समिति गठन गरिएको छ।
गौरीगंगा नगरप्रमुख भिमबहादुर देउवाको संयोजकत्वमा कृष्णकुमार चौधरी, मदन राज जोशी, राम बहादुर कलेल र शिव प्रसाद खरेल रहेको ५ सदस्यीय समन्वय समिति बनाइएको छ। त्यस्तै जनस्तरबाट न्यायपूर्ण दबाब सिर्जना गर्न देवीदत्त कँडेलको संयोजकत्वमा ३१ सदस्यीय संघर्ष समिति गठन गरिएको छ।
भुसालको सुनियोजित हत्या भएको सर्वदलीय सर्वपक्षीय बैठकले निष्कर्ष गर्दै दोषीलाई कारबाहीको लागि सबै तह र निकायमा दबाब दिने निर्णय गरिएको छ। घटनाको गम्भीर र गहन अनुसन्धान गर्न सम्बन्धित निकाय जिम्मेवार नभएमा जेठ ६ गतेदेखि संघर्षका कार्यक्रम तय गरेर वृहत् रुपमा दबाबमूलक कार्यक्रम गर्ने संघर्ष समितिका संयोजक देवीदत्त कडेलले बताए।
वैशाख ११ गते कुलप्रसाद भट्टले पटकपटक फोन गरेर बोलाएपछि २ बजे मसुरियाबाट घोडाघोडी १० पहलमानपुर गएका थिए। भुसाल सशस्त्र प्रहरी बल बेश क्याम्पदेखि ३ सय मिटर पश्चिममा मृत अवस्थामा भेटिएको थियो। शव फेला परेको स्थानदेखि करीब २ किलोमिटर पश्चिममा पूर्व- पश्चिम राजमार्गमा गौरीगंगा नगरपालिकाको शिवशंकर सामुदायिक वन किनारमा भुसालले प्रयोग गरेको चप्पल माक्स २ क्वाटर रक्सी फेला परेको थियो।
घोडाघोडी १० आमखोइयासम्म साइकल डोर्याएर हिँड्दै आएका भुसालको शव, चप्पल र रगत फरकफरक ठाउँमा भेटिनुले उनको हत्या भएको प्रस्ट भएको स्थानीय छत्र बोहराले बताए। पीडित परिवारको किटानी जाहेरीका आधारमा प्रहरीले पाँच जनालाई नियन्त्रणमा लिई अनुसन्धान गरिरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
