काठमाडौं-नबिल बैंकले चालु आर्थिक वर्षको तेस्रो त्रैमासिक अवधिमा तीन अर्ब १५ करोड रुपैयाँ नाफा आर्जन गरेको छ। बैंकको नाफा गत वर्षको सोही अवधिको तुलनामा एक प्रतिशतले गिरावट आएको हो। गत वर्ष तीन अर्ब १९ करोड रुपैयाँ थियो। लाभांस वितरणयोग्य नाफा भने दुई अर्ब ९ करोड रुपैयाँमात्रै छ।
बैंकले असारको तुलनामा ४.९५ प्रतिशतले निक्षेप सुधार गरेको छ भने १७.१७ प्रतिशतले कर्जा बिस्तार गर्न सफल भएको छ। कर्जा बिस्तारमा आक्रामक हुँदा कोरोनाले प्रभावित पार्दा पनि नाफा टिकाउन सफल भएको देखिन्छ। खुद ब्याज आम्दानी ५ अर्ब ३७ करोड रुपैयाँ छ।
चैत मसान्तसम्ममा बैंकले एक अर्ब ७१ अर्ब रुपैयाँ निक्षेप संकलन गरि एक खर्ब ४९ अर्ब रुपैयाँ कर्जा बिस्तार गरेको छ। बैंकको कमिसन तथा अन्य सेवावापत प्राप्त हुने आम्दानी घटेको छ। तर सञ्चालन खर्च भने १६ प्रतिशतले बढेको देखिन्छ।
कर्जा विस्तारमा आक्रामक नबिलकाे पुँजीकोष अनुपात ११.१७ प्रतिशतमा झरेको छ। खराब कर्जा ०.६३ प्रतिशत छ। प्रतिशेयर आम्दानी भने ५ रुपैयाँले घटेर ४१ रुपैयाँ कायम भएको छ।
बैंकको वित्तीय विवरण
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
