काठमाडौं- ग्लोबल आइएमई बैंकले चालु आर्थिक वर्षको नौ महिनामा तीन अर्ब १५ करोड रुपैयाँ नाफा आर्जन गरेको छ। यो नाफा जनता सहितको हो।
जनता बाहेक ग्लोबल आइएमईको मात्रै भने दुई अर्ब ७० करोड रुपैयाँ रहेको छ। तर लाभांश बाँड्न योग्य नाफा भने जम्मा ५७ करोड ९५ लाख रुपैयाँ मात्रै छ। कोरोनाका कारण ब्याज तथा किस्ता उठ्न नसकेका ऋणलाई प्रोभिजनिङ गर्दा वितरण योग्य नाफामा गिरावट आएको हो।
मर्जपछि ग्लोबलको सबै सूचकमा उल्लेख्य सुधार आएको छ। निक्षेप संकलन ७६ प्रतिशतले बढ्दा कर्जा लगानी ७९ प्रतिशतले सुधार भएको छ। चैत मसान्तसम्म बैंकले दुई खर्ब एक अर्ब रुपैयाँ निक्षेप संकलन गरी एक खर्ब ९५ अर्ब रुपैया कर्जा बिस्तार भएको बैंकले जनाएको छ।
बैंकको चुक्ता पुँजी ८४ प्रतिशतले बढेर १८ अर्ब ९७ करोड सहित सबैभन्दा धेरै पुँजी भएको बाणिज्य बैंक बन्न सफल भएको छ। त्यस्तै जगेडा कोषमा ९ अर्ब १४ करोड रुपैयाँ जम्मा भएको छ। पुँजीकोष अनुपात ११.२ प्रतिशत छ।
त्यस्तै खराब कर्जा भने ०.३८ प्रतिशत बिन्दुले बढेर १.१४ प्रतिशत पुगेको छ। जनतालाई मर्ज गरे पछि बैंकको खराब कर्जा बढेको हो। प्रतिशेयर आम्दानी दुई रुपैयाँले घटेर २२ रुपैयाँ छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
