डडेल्धुरा- काेराेना भाइरसकाे संक्रमण देखिएका सुदूरपश्चिम प्रदेशका पाँचै जना निकाे भएका छन्। शुक्रबार धनगढीकी कोरोना संक्रमित महिला पनि निकाे भएर सेती प्रादेशिक अस्पतालबाट डिस्चार्ज भएसँगै सुदूरपश्चिमका सबै संक्रमितले काेराेनालाई जितेका हुन्।
कैलालीका चारजना र कञ्चनपुरका एकजनाले काेराेनालाई जितेका छन्। काेराेना निकाे हुनेमा कैलालीकाे धनगढी उपमहानगरपालिकाकी महिला, लम्कीचुहा नगरपालिकाका युवक, धनगढी उपमहानगरपालिकाका युवक, लम्कीचुहा नगरपालिकाकी महिला र कञ्चनपुरको बेदकोट नगरपालिकाकाका पुरुष रहेका छन्। संक्रमितमध्ये धनगढी उपमहानगरपालिकाकी महिला शुक्रबार अस्पतालबाट डिस्चार्ज भएकी हुन् भने अन्य यसअिघ नै निकाे भएकार घर गइसकेका छन्।
लगातार दुई पटकसम्म काेराेना परीक्षणमा रिपोर्ट नेगेटिभ आएपछि शुक्रबार उनलाई अस्पतालबाट डिस्चार्ज गरिएको सेती अस्पतालका कोरोना रोग उपचार विभाग प्रमुख शेरबहादुर कमरले बताए। ३५ दिनदेखि सेती अस्पतालमा उपचाररत धनगढी उपमहानगरपालिका वडा नम्बर ५ की ३४ वर्षीय महिलाको ६ पटकसम्म गरिएको थ्रोट स्वाब परीक्षणमा कोरोना रिपोर्ट पोजेटिभ आएकोमा पछिल्लो दुई पटक गरिएको परीक्षणमा रिपोर्ट नेगेटिभ आएको हो।
उनीसँगै भर्ना भएका दुईजना, अगाडि भर्ना भएका एकजना र उनीभन्दा पछाडि भर्ना भएकी एकजना गरी चारजना कोरोना संक्रमित सेती अस्पतालबाट यसअघि डिस्चार्ज भइसकेका छन्। योसँगै सुदूरपश्चिम प्रदेशमा पाँच जनामा कोरोना देखिएकोमा सबै ठिक भएर घर फर्किसकेका छन्।
कैलालीकाे लम्कीचुहा नगरपालिकाका २१ वर्षीय युवक, धनगढी उपमहानगरपालिका वडा नम्बर ५ का ३४ वर्षीय युवक, लम्कीचुहा नगरपालिका वडा नम्वर १ की महिला र कञ्चनपुरको बेदकोट नगरपालिकाका ४० वर्षीय पुरुष यसअघि नै सेती प्रादेशिक अस्पतालबाट डिस्चार्ज भइसकेका थिए। उनीहरुको पुनः कोरोना परीक्षण भने भएको छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
