काठमाडौं- कोरोना भाइरस (कोभिड १९) का कारण रोकिएको फुटबल प्रतियोगिताहरु सुरु हुँदा फिफाले केही परिवर्तनहरु गर्ने संकेत दिएको छ। जसमा एकै खेलमा पाँच खेलाडीसम्म परिवर्तन गर्न पाउने गरी नियम ल्याउने तयारी भइरहेको छ।
अहिले ९० मिनेटको खेलमा एक टिमले तीन जनासम्म खेलाडी परिवर्तन गर्न पाउँछन्। र अतिरिक्त समयमा जाने खेलमा थप एक खेलाडी परिवर्तन गर्न पाइन्छ। त्यसलाई बढाएर टिमले ९० मिनेटमा पाँच जनासम्म खेलाडी परिवर्तन गराउन पाउने र अतिरिक्त समयमा एक जना नै परिवर्तन गर्न पाउने नियम ल्याउन लागिएको हो।
कम समयमा धेरै खेल खेल्नुपर्ने अवस्था आउने र खेलाडीहरुको फिटनेसमा समस्या आउन सक्ने भन्दै फिफाले यस्तो तयारी गरिरहेको हो। त्यसैले खेलाडी परिवर्तनका सम्बन्धमा केही समयमा लागि मात्रै भए पनि फिफाले नियम परिवर्तन गर्ने तयारीका लागि काम गरिरहेको छ।
फिफालाई यस्तो नियमका लागि सबैभन्दा पहिला इंग्लिस फुटबल एशोसियसनले प्रस्ताव गरेको थियो, जसमा अहिले अरु फुटबलसम्बद्धहरु पनि सहमत देखिएका छन्।
अर्को ९० मिनेटको समयलाई कम गरेर खेलाउन गरिएको प्रस्तावमा भने त्यसले खेल भावनालाई असर गर्ने भन्दै सहमति जुटेको छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_9DjWlLHwUU-1748326423.jpg)
-1749826086.png)
