ऋषि कपुरको त्यो खुल्ला जीवन

समाचार

नेपाल लाइभ बिहीबार, वैशाख १८, २०७७ १६:०७

एजेन्सी- हिन्दी चलचित्र उद्योगका बहुचर्चित कपुर खानदानमा ऋषि कपुरमात्र यस्ता कलाकार थिए‚ जसले आफ्नो छुट्टै पहिचान बनाएका थिए। शोम्यान राज कपुरपछि यदि कपुर खानदानको नाम कसैले चम्काएका थिए भने ती ऋषि कपुर नै थिए।

ऋषि कपुरको अभिनय र उनको बिन्दास चरित्रले मानिसमा अझ बढी प्रभाव पारेको थियो। आफूले रक्सी पिउने कुरा उनले कहिल्यै पनि अस्वीकार गरेनन्। आफ्ना छोरा रणवीर कपुरसँगको ‘जेनेरेसन ग्याप’ लाई लिएर उनले कहिल्यै पनि नजरअन्दाज गरेनन्।

विचारमा धेरै इमान्दार भएकाले सामाजिक सञ्जालमा आफ्ना बारेमा ट्रोल बन्ने गरेको उनको बुझाइ थियो।

ऋषि कपूर

सन् २०१७ मा उनको पुस्तक सार्वजनिक भयो(खुल्लम खुल्ला। उनले उक्त पुस्तकमा धेरै कुराहरू खुलेर लेखे, त्यसैले पनि यो धेरै नै चर्चामा आएको थियो। पुस्तकमा ऋषि कपुरले जीवनका बारेमा खुलेर लेखेका कुराहरूको चर्चा गरौं।

राज कपुरको विवाहेत्तर सम्बन्ध
उनले आफ्नो पुस्तकमा खुलेर आफ्ना पिता राज कपुरको धेरै महिलासँग सम्बन्ध थियो भनी स्वीकार गरेका छन्। उनले आफ्ना पिताको नरगिस र वैजयन्ती मालासँग सम्बन्ध थियो भनेर खुलेर लेखेका छन्।

राज कपूर

त्यस्तै भएपनि उनकी आमा कृष्णा कपुर हार नमानी डटिरहिन् र राज कपुरको अरूसँगको सम्बन्ध बिग्रिएपछि फेरि कृष्णा कपुरसँगै आएका थिए।

नितू सिंहभन्दा पहिलाका प्रेम सम्बन्ध
ऋषि कपुर र नितु सिंहको विवाह बलिउडकै चर्चित विवाहमध्येको एकमा पर्ने गर्थ्यो। तर उनले आफ्नो किताबमा नितूभन्दा अघि पनि एक यास्मिम मेहता नाम गरेकी इरानी महिलासँग प्रेम सम्बन्ध रहेको भनी बताएका छन्। यो सम्बन्ध उनको फिल्म ‘बबी’ आउनुभन्दा अगाडिको हो। ‘बबी’ आएपछि बजारमा ऋषि कपुर र डिम्पल कपाडियाको बारेमा धेरै नै चर्चा चलेको थियो।

ऋषि कपूर और नीतू कपूर

तत्कालीन चर्चित पत्रिका स्टारडस्टले पनि यसबारेमा स्टोरी नै लेखेको थियो। तर त्योबेला डिम्पल कपाडिया र राजेश खन्नाको विवाह भइसकेको थियो।
यसकै कारण पनि उनको सम्बन्ध प्रभावित भएको ऋषि कपुरले बताएका थिए। यही गशिपले गर्दा ऋषि कपुर र यास्मिनको सम्बन्ध पूर्ण रूपमा बिग्रिएको थियो। यास्मिनलाई फकाउन धेरै कोशिस गरे पनि उनी सफल हुन सकेनन्।

जब राजेश खन्ना रिसाए
यास्मिन मेहता र डिम्पल कपाडियासँग जोडिएको एक घटना ऋषि कपुरले आफ्नो किताबमा लेखेका थिए। उनका अनुसार यास्मिनसँग सम्बन्धमा रहेका बेला यास्मिनले उनलाई उपहारस्वरूप औंठी दिएकी थिइन्।

राजेश खन्ना

बबीको सुटिङ चलिरहेका बेला उक्त औंठी डिम्पलले आफ्नो औंलामा लगाएकी थिइन्।
जब राजेश खन्नाले डिम्पल कपडियालाई प्रेम प्रस्ताव राखेका थिए‚ त्योबेला उनले डिम्पलको औंलामा औंठी देखेर त्यसलाई आफ्नो घरनजिक रहेको समुद्रमा फ्याँकिदिएका थिए।
यसै क्रममा ऋषि कपुरले उनी कहिल्यै डिम्पलको प्रेममा नपरेको बताएका थिए‚ न त उनीप्रति आकर्षित नै भएको स्वीकारे।

अमिताभले दिएनन् क्रेडिट
अमिताभ बच्चनसँग कपुर खानदानको पुरानो सम्बन्ध थियो। तर ऋषि कपुरले अमिताभ बच्चनको बारेमा खुलेर आफ्नो विचार राखेका थिए।
बहुचर्चित नायक भएको फिल्ममा काम गर्न दोस्रो तहका कलाकारका लागि कति कष्टपूर्ण थियो भन्नेबारे उनले आफ्नो किताबमा खुलेर लेखेका छन्। फिल्म सफल भएपछि त्यो फिल्मको श्रेय सबै लिड स्टारलाई जाने गर्थ्यो र दोस्रो तहका कलाकारको नाम कतै सुनिँदैनथ्यो।

अमिताभ बच्चन और ऋषि कपूर

ऋषि कपुरले लेखेका थिए‚ ‘होला‚ हामी कम चर्चित स्टार थियौं होला, तर कलाकारितामा कम थिएनौं। तर अमिताभ बच्चनले यस कुराको कहिल्यै पनि स्वीकार गरेनन्। न कुनै अन्तर्वार्ता, न त कुनै किताबमा नै। अमिताभ बच्चनले आफूसँग काम गर्ने कलाकारको पर्याप्त क्रेडिट दिएनन्।’

जब नितूसँग झोक्किएका थिए ऋषि
ऋषि कपुरले स्टारडमको फाइदा र बेफाइदा दुवैको अनुभव गरे। फिल्म ‘बबी’ त्यसबेला बहुचर्चित फिल्ममध्येमा गनिन थाल्यो। योसँगै ऋषि कपुरसँग अरू पनि धेरै फिल्मका अफरहरू आउन थाले। तर बक्स अफिसमा उनी त्यति टिक्न सकेनन्।

ऋषि कपूर और नीतू सिंह

ऋषि कपुरका अनुसार त्यो समयमा उनको विवाह भइसकेकाले नितू सिंहलाई यसको जिम्मेवार व्यक्ति भएको र उनी आफ्नो जीवनमा प्रवेश गरेदेखि यस्तो हुन थालेको भन्दै उनीमाथि खनिएका थिए।
त्यो समय नितू सिंह गर्भवती थिइन्। त्यस्तो समयमा पनि नितू सिंहले ऋषि कपुरको निराशा र भनाइ झेल्नुपरेको थियो।

किनेका थिए पुरस्कार
ऋषि कपुरले आफ्नो र अमिताभ बच्चनको सम्बन्धका बारेमा लेख्दै बबी फिल्ममा आफूलाई उत्कृष्ट अभिनेताको उपाधि मिलेपछि बच्चन रिसाएका थिए भनी उल्लेख गरेका थिए।
त्यस समय अमिताभ बच्चनले ‘जन्जिर’ फिल्मका लागि आफूलाई उत्कृष्ट अभिनेताको उपाधि दिइने आश गरेका थिए। तर यो अवार्ड ऋषि कपुरद्वारा अभिनित फिल्म ‘बबी’ लाई मिलेको थियो।
ऋषि कपुरले लेखेका थिए‚ ‘यो भन्दै गर्दा मलाई अप्ठ्यारो लागिरहेको छ कि मैले त्यो अवार्ड किनेको थिएँ। एक पिआरले कपुरसँग ३० हजार दिएमा अवार्ड दिलाइदिने कुरा गरेपछि मैले त्यही ३० हजार दिएको थिएँ।’

रणवीर कपूरसँगको सम्बन्ध
रणवीर कपुर आफ्नी आमासँग बढी नजिकिए पनि ऋषि कपुरसँग कम नै खुल्ने गर्थे। रणवीरको बढीजस्तो समय आमा नितूसँग बित्थ्यो। ऋषि कपुरका अनुसार उनले कहिल्यै पनि रणवीरको करिअरमा हस्तक्षेप गरेनन्।

रणबीर कपूर और ऋषि कपूर

तर रणवीरको सुरूको फिल्म ‘बर्फी’ लाई लिएर आपत्ति भने थियो नै। तर ऋषि कपुर बर्फीबाट रणवीरको कलाकारिता निखारिएको कुरा भने स्वीकार गर्थे।
रणवीरका बारेमा उनले लेखेका थिए–मलाई थाहा छैन पछि के हुनेछ, मलाई थाहा छैन मेरो छोरा के गर्नेछ, मलाई थाहा छैन मेरो र डब्बुका बच्चाले भविष्यमा हामीसँग कस्तो व्यवहार गर्नेछन्, उसले आरके (राजकपुर) ब्यानरलाई कायम राख्नेछ, यसको लिगेसीलाई कसरी अगाडि बढाउनेछ?’
बीबीसी हिन्दीबाट

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।