फाइल तस्बिर
काठमाडौं– सत्तारुढ नेपाल कम्युनिस्ट पार्टी (नेकपा)भित्र चलिरहेको अन्तरसंघर्षबीच आज बस्ने भनिएकाे सचिवालय बैठक अनिश्चित बनेकाे छ। सचिवालय बैठकपछि स्थायी कमिटी बैठक बाेलाउने बताइएकाे थियाे।
नेकपाको सचिवालयका ९ सदस्यमध्येका एक झलनाथ खनालले बैठकबारे अहिलेसम्म कुनै सूचना नआएको बताए। उनले भने, ‘अहिलेसम्म सूचाना आएको छैन्, बैठक बस्ने स्थिति छैन्।’
प्रधानमन्त्री केपी शर्मा ओलीका प्रेस सल्लाहाकार सूर्य थापाले सचिवालय बैठक बस्नेबारे बालुवाटारमा कुनै तयारी नभएको जानकारी दिए। ‘सचिवालयको कुनै योजना छ जस्तो लाग्दैन आज,’ थापाले भने, ‘यहाँ त्यस्ताे कुनै तयारी भएको छैन।’
सोमबार पूर्वएमाले समूहका नेताहरुबीच कोटेश्वरमा भएको भेलापछि नेकपा स्थायी कमिटी सदस्य रघुजी पन्तले मंगलबार सचिवालय बैठक बस्ने र त्यसले नै स्थायी कमिटी बैठकको मिति तय गर्ने बताएका थिए। ‘पछिल्लो घटनाक्रमका विषयमा छलफल भयो,’ उक्त भेलाबारे जानकारी दिँदै पन्तले भनेका थिए, ‘अब अविलम्ब स्थायी कमिटी बैठक बोलाउने र सबै विषय स्थायी कमिटीमा छलफल हुन्छ। भोलिको सचिवालयले स्थायी कमिटी बैठकको मिति तोक्नेछ।’
पार्टीभित्र कुनै छलफल नगरी प्रधानमन्त्री ओलीले दल विभाजन र संवैधानिक परिषद्सम्बन्धी अध्यादेश ल्याएपछि त्यसको चर्को विरोध भएको थियो। प्रधानमन्त्रीका पछिल्ला कदमबारे छलफल गनुपर्ने भन्दै नेकपाका २० जना स्थायी कमिटीले १० बैशाखमा स्थायी कमिटीको बैठक बोलाउन माग गरेका थिए।
स्थायी कमिटी बैठकमा आफूलाई अप्ठ्यारो पार्ने ठानिएको छ। ओलीले त्यसलाई टार्दै गएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1794037350.jpeg)
-1786602170.png)
