काठमाडौं- कोरोना भाइरस (कोभिड-१९) को माहामारीमा लड्न नेपाल प्रहरीले असईदेखि आइजीसम्मको तलव काट्न लागेको भन्दै काट्न नहुने भन्दै सर्वोच्चमा दायर गर्न लागिएको रिट खारेज भएको छ।
अधिवक्ता टिकाबहादुर कुँवरले यस्तो संकटको बेलामा समेत आफ्नै ज्यान जोखिममा राखेर सुरक्षामा खटिएका प्रहरीका् तलव काट्न नहुने भन्दै सर्वोच्चमा रिट दायर गर्न लागेका थिए।
तर सर्वोच्चले उक्त रिट दरपिट नगरी फिर्ता पठाएको छ। यस विषयमा यसअघि नै मुद्दा रहेको र सुनुवाई गर्नुपर्ने कानूनी आवश्यकता नदेखिएको भन्दै रिट दर्ता नगरिएको सर्वोच्च अदालतले जानकारी दियो। प्रहरी प्रधान कार्यालयले भने असईदेखि आइजीको तलव काटेर सरकारले स्थापन गरेको कोरोना भाइरस संक्रमण रोकथाम, नियन्त्रण तथा उपचार कोषमा जम्मा गर्ने निर्णय गरेको थिायो।
असईको तीन दिनको तलब २ हजार ६ सय ५८ रुपैयाँ, सईको तीन दिनको तलब २ हजार ८ सय २० रुपैयाँ, प्रहरी निरीक्षकको ५ दिनको तलव ६ हजार रुपैयाँ कटौती गरी अब कोषमा जम्मा गरिनेछ।
यसैगरी, डिएसपीको ५ दिनको ६ हजार ७ सय ३०, एसपीको ५ दिनको ७ हजार २ सय ४५, एसएसपीको ७ दिनको ११ हजार ५३, डिआइजीको ७ दिनको ११ हजार ९ सय, एआइजीको ७ दिनको १४ हजार १ सय ६१ र आइजीको ७ दिनको १४ हजार १ सय ६१ रुपैयाँ तलव कट्टा गरेर वाणिज्य बैंकको खातामा जम्मा गर्न पत्राचार गरेको थियो। उक्त रकम वैशाख महिनाको तलवबाट कट्टा गरिनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
