काठमाडौं- विश्वप्यापी महामारीको रुपमा रहेको कोराना भाइरस (कोभिड १९) का कारण देशभर लकडाउन भएकाले खरिद प्रक्रियाको म्याद थप्ने व्यवस्था मिलाउन सम्बन्धित आयोजनालाई आग्रह गरेको छ। मंगलबार सार्वजनिक खरिद अनुगमन कार्यालयले सूचना जारी गर्दै यस्तो आग्रह गरेको हो।
चैत्र ११ देखि बैशाख ३ गतेसम्म मन्त्रिपरिषद्को निर्णयानुसार भएको लकडाउनका कारण रोकिएको आयोजनाको म्याद थप गर्न उक्त सूचना आएको हो। यस अघि गत शुक्रबार नेपाल निर्माण व्यवसायी महासंघले पनि म्याद थप गर्न आग्रह गरेको थियो।
सबै खरीद प्रक्रियाहरुको म्याद एक महिना थप गर्ने निर्णय गरेको र सार्वजनिक खरीद अनुगमन कार्यालयको चैत्र १७ गतेमा म्याद थपको लागि प्रकाशित सूचनालाई समेत आधार मानी निर्माण कार्यका लागि केही सार्वजनिक निकाय खरीद प्रक्रियाका कामको म्याद थप गर्ने व्यवस्था मिलाउन भनिएको हो। बोलपत्र आह्वान, बोलपत्र खरीद र दाखिला गर्ने तथा कामको सम्झौता लगायतका कार्य कायम राखेको प्रति महासंघले शुक्रबार एक अपिल जारी गरेको थियो। त्यही अनुसार अनुगमन कार्यालयले मंगलबार सूचना प्रकाशित गरेको हो।
निर्माण व्यवसायीहरु एक ठाउँबाट अर्को ठाउँसम्म आवतजावत गर्न नसकिने अवस्थामा बैंक ग्यारेन्टीलगायतका कागजात तयार गर्न नसकिने भएकोले निर्माण कार्यका सबै खरीद प्रक्रियाहरुमा भाग लिन सक्ने अवस्था नरहेकोले खरीद प्रक्रियामा स्वच्छ प्रतिस्पार्धासमेत हुन नसक्ने भन्दै सबै सार्वजनिक निकायहरुमा निर्माण कार्यको खरिद प्रक्रिया रोक्न महासंघले अनुरोध गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764598201.png)
-1764146706.png)
-1763721444.png)
-1763559424.jpg)
-1764080971.png)
