काठमाडौं- सत्तारुढ दल नेपाल कम्युनिस्ट पार्टी (नेकपा)को सचिवालय बैठक मंगलबार बस्ने भएको छ। मंगलबार ४ बजेका लागि सचिवालय बैठक बोलाइएको नेकपा प्रवक्ता नारायणकाजी श्रेष्ठले जानकारी दिए।
‘हामीले भोलि दिउँसो ४ बजे सचिवालय बैठक बोलाएका छौं,’ प्रवक्ता नारायणकाजी श्रेष्ठले भने, ‘कुन कुन विषयमा छलफल गर्ने भनेर तय भएको छैन।’ चैत ६ पछि सचिवालय बैठक बस्न सकेको थिएन।
माहामारीका बेला अनियमितताको विषय उठेपछि सचिवालय सदस्य नेताहरूले बारम्बार बैठक राख्न आग्रह गरेपछि नेकपाले सचिवालय बैठक बोलाएको हो।
यस्तै प्रधानमन्त्री केपी शर्मा ओलीले मंगलबार देशबासीको नाममा सम्बोधन गर्ने भएका छन्। 'मंगलबार प्रधानमन्त्रीले देशबासीका नाममा सम्बोधन गर्ने हुनुभएको छ,' नेपाल लाइभसँग प्रधानमन्त्रीका सञ्चारविज्ञ रामशरण बजगाईंले भने, 'तर समय निश्चित भइसकेको छैन।'
लकडाउनको बेला प्रधानमन्त्री ओलीले सम्बोधन नगरी राष्ट्रपतिले सम्बोधन गरेपछि विवाद सिर्जना भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1794037350.jpeg)
-1786602170.png)
