काठमाडौं– विवेकशील साझा पार्टीले प्रधानमन्त्रीको भ्रमणपछि नेपाल-भारत सम्बन्ध नयाँ उचाइमा पुगेको ठहर गरेको छ। पार्टीका प्रवक्ता सूर्यराज आचार्यद्वारा आज जारी विज्ञप्तिमा भ्रमणपछि आएको प्रधानमन्त्रीको विज्ञप्तिप्रति आफ्नो सहमति रहको बताएको हो।
'स्वदेश फर्केपछिको प्रधानमन्त्रीको वक्तव्यमा उल्लेख भए अनुसार नै यो भ्रमणले नेपाल-भारत सम्बन्धलाई समानताको आधारमा सौहार्दता र पारस्परिक विश्वासको नयाँ उचाइमा पुर्याएको हामीले पनि ठानेका छौं,' विज्ञप्तिमा भनिएको छ।
कृषि, जलमार्ग एवं रेलमार्गका क्षेत्रमा सहयोग विस्तार गर्ने नेपाल-भारत बीचको समझदारीलाई विवेकशीलले स्वागत गरेको छ। उसले जलमार्ग र रेलमार्गका आयोजनाहरूको प्राविधिक र व्यवस्थापकीय पक्ष निर्क्यौल गर्दा नेपालको प्राथमिकता र राष्ट्रिय हितको सुनिश्चितता गर्न नेपाल सरकारको ध्यानाकर्षण समेत गरेको छ।
'प्रस्तावित रक्सौल-काठमाडौं रेलमार्गका लागि दीर्घकालीन सोचसहित हाल विश्वमा प्रचलित आधुनिक रेल प्रविधि अपनाउनेतर्फ नेपाल सरकारको ध्यानाकर्षण गर्न चाहन्छौं', विज्ञप्तिमा उल्लेख छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791562069.png)
