महामारीविरुद्ध लड्न ताली बजाएर स्वास्थ्यकर्मीलाई हौसला बढाउने अभियान फैलँदै गएको छ। तस्बिर : इपिए
विश्वभर कोरोना भाइरसका (कोभिड–१९)बाट संक्रमित हुनेको संख्या बढिरहेको छ। यस्तो बेलामा खुसीको खबर आउन मुस्किल छ। हामी विशवव्यापी स्वास्थ्य संकटको घेरामा छौं।
तैपनि, आशावादी हुनुपर्ने कारण छन्। गहिरिँदो महामारीको सबैभन्दा खराब संकटले मानवीयतामा केही राम्रो चिज पनि ल्याएको छ।
१. विश्वभर स्वास्थ्यकर्मीको प्रशंसा
कोरोना भाइरसविरुद्धको लडाईंमा डाक्टर, नर्स र अन्य स्वास्थ्यकर्मी अग्रपक्तिमा छन्। जोन होप्किन्स विश्वविद्यालयले संकलन गरेको पछिल्लो विवरण अनुसार ७ लाख ८४ हजार ३ सय १४ जनालाई कोरोना भाइरसको संक्रमण भएको छ। त्यस्तै १ लाख ६५ हजार २ सय ८८ जनालाई निको भएको छ, जसलाई स्वाथ्यकर्मीको साहासिक कार्यको अंश मान्न सकिन्छ।
उनीहरूको यो कामप्रति धन्यावाद ज्ञापन गर्न इटाली, स्पेन, फ्रान्स र इन्डियासहित विश्वभरका मानिसले घरबाहिर निस्केर ताली बजाए। यसको पछिल्लो उदारण बेलायत हो। गत बिहीबार आफ्नो ढोका र भ्यालमा उभिएर मानिसहरुले सामूहिक रुपमा ताली बजाउने कार्यक्रममा सहभागी भए।
यसरी स्वास्थ्यकर्मीहरूको सार्वजनिक प्रशंसा गर्ने तरिका गत मध्य जनवरीमा कोरोना भाइरसको पहिलो बिरामी भेटिएको सहर वुहानबाट सुरु भएको हो। चिनियाँ समाजिक संजालमा उपलब्ध भिडियो क्लिपमा एकअर्काको नैतिक शक्ति बढाउन स्थानीय बासिन्दाहरू मध्य रातमा आफ्नो घरको झ्यालबाट गाइरहेको देखिन्छ। स्वाथ्यकर्मीको सर्मथनमा ताली बजाउने अभियान अहिले विश्वव्यापी बनेको छ।
२. प्रतिबन्ध खुकुलो पार्दै चीन
कोरोना संक्रमणको सुरुवाती संकट झेलेको चीनले कोरोना आपत्काललाई नियन्त्रणमा लिएको मान्न सकिन्छ। स्थानीयस्तरमै संक्रमित भएका कोरोनाका बिरामी अहिले निकै कम छन्। अधिकांश नयाँ संक्रमित विदेशबाट आउनेहरु छन्। यसको अर्थ कोरोना भाइरसको संक्रमण रोक्न चीनले लगाएको प्रतबिन्ध केही खुकुलो भएको पनि हो।
हुबेइ प्रान्त छोड्न नपाउने गरी सरकारले लगाएको प्रतिबन्ध मार्च २५ मा हटाइसकेको छ। वुहानमा गत जनवरीदेखि सुरु भएको ‘लकडाउन’ आगामी अप्रिल ८ बाट खुकुलो बनाउने तयारी छ।
चीनमा लगाइएको यात्रा प्रतिबन्ध खुकुलो हुन थालेको छ। जनजीवन साधारणतर्फ लम्कँदै छ। तस्बिर : गेट्टी इमेज
बिबिसीका चीन संवाददाता स्टेफेन म्याकडोनले चीनको राजधानी बेइजिङका मानिस ताजा हावा लिन सफल भएको र जुन सम्भवतः राहतको पनि संकेत भएको रिपोर्टिङ गरेका थिए। प्रतिबन्ध खुकुलो बनाइए पनि चीनमा संक्रमणको दोस्रो झट्काको भने अझैं पनि त्रास छ। तर, हाललाई चीनले पहिलेकै अवस्थामा र्फकाउने कदम लगभग चालिरहेको छ।
३. अवस्था बदल्ने मोडमा इटली
इटलीको नागरिक अधिकार संरक्षण एजेन्सीले यो साताको सुरुतिर देश संक्रमणको ‘स्पष्ट स्थिरीकरणको चरण’मा रहेको बताएको थियो। यो किनभने लगातार ४ दिनसम्म इटालीमा संक्रमण र मृत्यु हुनेको संख्यामा कमी आएको छ।
झ्यालमा इन्द्रेणी बनाउँदै एक बालक। आशावादी देखाउन इन्द्रेणी बनाउने गरिन्छ। तस्बिर : इपिए
बुधबार नयाँ संक्रमितको संख्या ३ हजार ६ सय १२ थियो जुन अघिल्ला चार दिनको भन्दा कम हो।
४. वैज्ञानिक प्रगति
मानिसहरु भाइरसको सम्पर्कमा आएपनि उनीहरू बिरामी नहुन् भनेर विश्व त्यसको खोपको विकासमा लागेको छ। यसअघि पनि धेरै खोपको परीक्षण मानिसमा समेत भइसकेको छ।
विशेषज्ञहरू यथार्थमा यो खोप कम्तीमा पनि एक वर्ष वा १८ महिनाभन्दाअघि तयार नहुने बताएका छन्। तर, वैज्ञानिकहरु यसबारे धेरै भन्दा धेरै खोप विकासको दौडमा छन्। भाइरसको ‘जेनेटिक कोड’बारे आसाजनक अध्ययन भएका रिपोर्ट यो हप्ता सार्वजनिक भएका छन्।
५. फस्टाउँदो सामुदायिक भावना र उदारता
कोरोना भाइरसले मानिसहरूलाई टाढै राखेको भएपनि आफ्नो समयको आवश्यकताका लागि मानव समुदाय नजिकिएका छन्। विश्वभर एकअर्काप्रति दया र ऐक्यबद्धताको भावना बढेको छ। बेलायतमा हजारौं स्वयंसेवामा सहभागी भएका छन्।
कोरोना भाइरसका कारण अस्पतालमा भर्ना भएका मानिसका लागि स्पेनका चिकित्सकको एक अनलाइन पत्रप्रति धेरै सकारात्मक प्रतिक्रिया व्यक्ति व्यक्त भए। -बिबिसीबाट
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769597259.png)
-1764146706.png)
