काठमाडौं- सरकारले मंगलबार बिहानबाट देशभर लकडाउन लागू गरेपछि नेपाल आयल निगमले खाना पकाउने ग्यासको सहज बिक्री वितरणका लागि बुधबारबाट लागु हुने गरी नयाँ नियम ल्याएको छ।
आयल निगमका अनुसार ग्यास उद्योगहरूले डिलरमार्फत ग्याँस बिक्री वितरण गर्ने कार्य अर्को सूचना नआएसम्म लागि बिक्रेतालाई पठाउने ग्यास सिलिन्डरको परिमाण, बिक्रेताको नाम, ठेगाना, प्यान वा भ्याट नम्बर लगायतका विवरण खुल्ने कागजात अनिवार्य गरेको छ।
त्यस्तै, ग्यास उद्योगीहरुले आफूसँग भएको ग्याँसको शुरुको मौज्दात, भन्सारबाट आयात भएको परिमाण, उद्योगमा स्टाण्डवाई बसेको बुलेटको परिमाण गोदाममा भरिराखिएको सिलिण्डरको परिमाण र आंघल्ला दिन बिक्री वितरण गरिएको परिमाणसहितको क्लोजिङ स्टक देखिने विवरण आयल निगमलाई बुझाउनुपर्नेछ।
मासिक रुपमा 'एक परिवार एक सिलिन्डर'का आधारमा वितरण प्रणाली अपनाई उपत्यकाको लागि निगम केन्द्रीय कार्यालय, निगमको स्थानीय कार्यालय भएको जिल्लामा स्थानीय कार्यालय र ३० निगमको कार्यालय नरहेको जिल्लामा, जिल्ला प्रशासन कार्यालयमा यस्तो जानकारी दिनुपर्नेछ।
बिक्रेताले यसरी ग्यास बिक्री गरिएको उपभोक्ताको नाम, ठेगाना, नागरिकता नम्बर र फोन नम्बर प्रष्ट खुलेको रेकर्ड राख्नु पर्ने व्यवस्था समेत निगमले गरेको छ। उक्त रेकर्डका आधारमा जिल्ला प्रशासन वा निगमले अनुगमनको जुनसुकै बेला माग गर्न सक्नेछ।
वर्तमान अवस्थामा ग्यास उद्योगहरुको भण्डारण अत्याधिक न्यून रहेको हुनाले ग्यास उद्योगको भण्डारण गृहलाई नेपाल आयल निगमले नेपाल सरकारको आकस्मिक परिस्थितिजन्य मागलाई धान्नको लागि भण्डारण गृहको रुपमा प्रयोग गर्नसक्ने निर्णय पनि निगमले गरेको छ। यस्तो भण्डारण गृहमा गरिने मौज्दात सम्बन्धित उद्योगको भण्डारण क्षमताको करिव ५० प्रतिशत सम्म हुने र एक महिना भित्र उक्त कार्य पुरा गर्ने व्यवस्था मिलाइने जानकारी निगमले दिएको छ।
अत्यावश्यक सेवाको सुनिचितताको लागि प्रत्येक ग्यास उद्योगले आफनो उद्योगको २ दिनको सिलिण्डर बिक्री बराबरका परिमाण तयारी अवस्थामा राख्नु पर्ने र तयारी अवस्थामा राखिएको सिलिण्डरको बिक्री वितरण उद्योग वाणिज्य तथा आपर्ति मन्त्रालयले दिएको निर्देशन बमोजिम गर्नु पर्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778245878.png)
-1764146706.png)
