विश्व

काेराेनाबाट अमेरिकामा एकैदिनमा १९ को मृत्यु

नेपाल लाइभ मंगलबार, चैत ४, २०७६ ०७:५२

काठमाडाैं- अमेरिकामा कोरोना भाइरसकाे संक्रमणबाट एकैदिनमा १९ जनाको मृत्यु भएको छ। पछिल्लाे २४ घण्टामा उनीहरुकाे मृत्यु भएकाे हाे। याेसँगै अमेरिकामा काेराेनाबाट मृत्यु हुनेकाे संख्या ८७ पुगेको छ।

यसैगरी थप ९८७ जनामा कोरोना संक्रमण पुष्टी भएको छ। अमेरिकामा कुल संक्रमितको संख्या ४ हजार ६६७ पुगेको छ।

न्युयोर्कमा ९५० संक्रमितमध्ये ५ जनाको मृत्यु भएको छ भने न्युजर्सीमा १७८ संक्रमितमध्ये २ जनाको मृत्यु भएको छ। वासिंटन राज्यमा मृतकको संख्या ४० पुगेको छ।

अमेरिकाका ४९ राज्य, वासिङ्टन डिसी, युएस भर्जिन आइल्याण्ड, पोर्तोरिकोमा कोरोना संक्रमण पुष्टी भइसकेको छ। वेष्ट भर्जिनियामा अहिलेसम्म कसैमा काेराेनाकाे संक्रमण देखिएकाे छैन।