सुनको मूल्य ओरालो लाग्ने क्रम तीव्र, तोलामा १५ सयले घट्यो

अर्थ समाचार

नेपाल लाइभ आइतबार, चैत २, २०७६ १२:०९

काठमाडौं– नेपाली बजारमा केही दिनदेखि लगातार बढिरहेको सुनको मूल्य आइतबार प्रतितोला १५ सय रुपैयाँले घटेको छ। नेपाल सुनचाँदी व्यवसायी महासंघका अनुसार आइतबार नेपाली बजारमा छापावाल सुनको मूल्य प्रतितोला ७७ हजार रुपैयाँ कायम भएको छ।

शुक्रबार एकैदिनमा प्रतितोला ३ हजार रुपैयाँले घटेको थियो। बुधबारदेखि निरन्तर ओरालो लागेकाे सुनको मूल्यमा शुक्रबार एकैदिन प्रतितोला ३ हजार रुपैयाँ घटेको थियाे।

शुक्रबार छापावाल सुनको ७८ हजार ५ सय रुपैयाँमा कारोबार भएको थियो। बिहीबार छापावाल सुनको मूल्य ८१ हजार ५ सय रुपैयाँ कायम भएको थियो। त्यस्तै तेजावी सुनको मूल्य शुत्रबार ७८ हजार २ सय रुपैयाँ कायम भएको थियो। आइतबार तेजावी सुनको मूल्य ७६ हजार ७ सय रुपैयाँ तोकिएको छ।

चाँदीको शुक्रबार ८ सय २० रुपैयाँमा कारोबार भएकोमा आइतबार प्रतितोला ३० रुपैयाँले घटेर ७ सय ९० रुपैयाँ तोकिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्षेप्यास्त्र प्रहारको सन्देश बुझ्न अमेरिकालाई रूसको चेतावनी

बिआरआईमा अनुदान मात्र स्वीकार्यः नेता निधि

सडक फोहोर गरेको भन्दै एमालेलाई महानगरको १ लाख जरिवाना