नयाँ दिल्ली- दिल्ली सरकारले कोरना भाइरसको त्रासका कारण सिनेमा हल बन्द गर्ने निर्णय गरेको छ। बिहीबार दिल्ली सरकारले ३१ मार्चसम्म हलहरु बन्द गर्ने निर्णय गरेको हो।
दिल्ली सरकारले कोरोना भाइरसलाई महामारीको रुपमा घोषणा गरेको छ। दिल्लीका मुख्यमन्त्री अरविन्द केजरीवालले यस्तो घोषणा गरेका हुन्। सिनेमा हलमा हुने संक्रमणलाई ख्याल गर्दै बन्द गर्ने निर्णय राज्य सरकारले गरेको उनले बताए।
त्यस्तै दिल्ली सरकारले परीक्षा समाप्त भएका विद्यालयहरु समेत बन्द गर्न निर्देशन दिएको छ। भारतमा कोरोना भाइरसका कारण ७३ जनामा संक्रमण भएको पाइएको छ। आइतबार उत्तर प्रदेश, लद्दाख, महाराष्ट्रमा नयाँ बिरामी फेला परेका थिए। त्यस्तै आइपिएलको खेलमा पनि संकट आइपरेको छ।
सरकार सतर्क छ : प्रधानमन्त्री मोदी
भारतीय प्रधानमन्त्री नरेन्द्र मोदीले कोरोना भाइरसका कारण नडराउन देशबासीलाई आग्रह गरेका छन्। सामाजिक सञ्जाल टुईटरबाट मोदीले कोरोनासँग डराउन आवश्यक नरहेको भन्दै सरकार यसलाई लिएर सचेत रहेको लेखेका छन्।
उनले श्रङ्खलाबद्ध ट्वीट गर्दै केन्द्रीय सरकारका कुनै पनि मन्त्रीहरूलाई विदेश भ्रमण नजानसमेत आग्रह गरे। उनले आफ्ना देशबासीहरूलाई अत्यावश्यकबाहेकका भ्रमण नगर्न अनुरोध समेत गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
