काठमाडौं– नेपाल चेम्बर अफ कमर्सले कोरोना भाइरसको जोखिम न्यूनीकरणमा सहयोग गर्न सहजीकरण समिति गठन गरेको छ।
उपाध्यक्ष दीपककुमार मल्होत्राको संयोजकत्वमा सहजीकरण समिति गठन गरिएको जानकारी चेम्बरले दिएको छ। समितिमा मृगेन्द्रमेहर श्रेष्ठ, नवराज ढकाल, दीपक श्रेष्ठ, दीपक कुँवर, देवेन्द्रभक्त श्रेष्ठ, सुरेन्द्र शारदा, संजय अग्रवाल, त्रिभुवनधर तुलाधर, राजु श्रेष्ठ, अर्जुन शर्मा सदस्य छन्।
यसका साथै कोरोनासम्बन्धी आवश्यक जानकारी प्रदान गर्न चेम्बरमा सपोर्ट डेस्कसमेत स्थापना गरिएको चेम्बरले जनाएको छ।
चेम्बरले त्रिभुवन विमानस्थललगायतका नाकाका आगमन कक्षमा यात्रुको सघन स्वास्थ परीक्षण गर्न सरकारसमक्ष माग समेत गरेको छ।
कोरोनाको संभावित जोखिम दृष्टिगत गर्दै सुरक्षात्मक उपाय अपनाउन सरोकारवालालाई आग्रह गरेको चेम्बरले मास्क एवम् अति आवश्यक वस्तु सहज तरिकाले बिक्री वितरण गर्न सम्बन्धितमा अनुरोध गरेको छ।
कोरोनाबाट सृजित समस्या दृष्टिगत गर्दै फागुन १३ गतेदेखि आयोजना गर्ने भनिएको चेम्बर एक्स्पोसमेत स्थगित गरिएको जानकारी चेम्बरले दिएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
