शुक्रबार नेपाल लाइभमा प्रकाशित मुख्य समाचार शीर्षकहरू:
१) विजय मिश्रविरुद्ध गोकुल बाँस्कोटाको मुद्दा
काठमाडौं- पूर्व सञ्चारमन्त्री गोकुल बाँस्कोटा आफूमाथि झूठो आरोप लगाइएको भन्दै अदालत पुगेका छन्।
सेक्युरिटी प्रेस खरिद प्रक्रियामा कमिसन ‘डिल’ गरेको अडियो बाहिरिएपछि उनले फागुन ९ मा राजीनामा दिएका थिए। उनले शुक्रबार अडियो सार्वजनिक गर्ने विजयप्रकाश मिश्रविरुद्ध शुक्रबार जिल्ला अदालत काठमाडौंमा गाली बेइज्जति मुद्दा दर्ता गरेका हुन्।
थप समाचार
पूर्वमन्त्री बाँस्कोटाले दिए मिश्रविरुद्ध गाली बेइज्जति मुद्दा
२) नेपाल ट्रष्टको जग्गामा सेनाको ब्यारेक
नेपाल ट्रष्टको जग्गाको दुरुपयोग र अनियमितताका श्रृंखला सार्वजनिक भइरहेका बेला सरकारले ट्रष्टको जग्गा ब्यारेक बनाउने गरी नेपाली सेनालाई दिने तयारी गरेको छ।चितवनको भरतपुर विमानस्थल बिस्तारका नाममा संस्कृति, पर्यटन तथा नागरिक उड्डयन मन्त्रालयले नै नेपाल ट्रष्टको ३२ विघा जग्गा सेनालाई दिने तयारी अगाडि बढाइसकेको छ। भरतपुर विमानस्थल बिस्तारमा नेकपा अध्यक्ष पुष्पकमल दाहाल प्रचन्डको राजनीतिक ‘इन्ट्रेस्ट’ मिसिएको छ।
अन्तर्राष्ट्रिय विमानस्थल बनाउने घोषणा भइसकेको अवस्थामा प्रचण्ड भरतपुरको अहिलेकै धावनमार्ग बिस्तार गर्न चाहन्छन्। धावनमार्ग बढाउन सेनाको ब्यारेक बाधक देखिएपछि सेनालाई नेपाल ट्रष्टको जग्गामा सार्ने तयारी भएको हो।
थप समाचार
नेपाल ट्रष्टको जग्गामा सेनाको ब्यारेक
३) राष्ट्रिय सभामा वामदेव‚ खतिवडालाई ६ महिना अर्थमन्त्री
नेपाल कम्युनिष्ट पार्टी (नेकपा)को ओलीइतर समूहले राष्ट्रिय सभामा बामदेव गौतमको विकल्प नखोज्ने निस्कर्ष निकालेको छ। नेकपा अध्यक्ष पुष्पकमल दाहाल प्रचण्ड निवासमा पूर्व प्रधानमन्त्री एवं नेकपा नेता माधवकुमार नेपाल, झलनाथ खनाल, उपाध्यक्ष गौतम र प्रवक्ता नारायणकाजी श्रेष्ठ प्रकाशलगायतको छलफलले त्यस्तो निस्कर्ष निकाले हो।
राष्ट्रिय सभामा वर्तमान अर्थमन्त्री युवराज खतिवडालाई फेरि सिफारिस गर्ने प्रधानमन्त्री ओलीको चाहनाविपरीत समूहले यस्तो निष्कर्ष निकालेको हो। प्रधानमन्त्री ओलीले चाहेमा खतिवडालाई ६ महिनाका लागि अर्थमन्त्रीमा निरन्तरता दिने विषयमा भने प्रचण्ड-माधव समूह लचिलो देखिएको छ।
थप समाचार
ओलीइतर समूहको निस्कर्ष : राष्ट्रिय सभामा वामदेव नै, खतिवडालाई ६ महिना अर्थमन्त्री स्वीकार्ने
४) खुस्बु ओलीलाई दुई वर्ष जेल सजाय
मोडल खुस्बु ओलीलाई जिल्ला अदालत काठमाडौंले दुई वर्ष कैदको फैसला सुनाएको छ। लेनदेन विवादमा रकम नतिरेपछि ओलीलाई शुक्रबार अदालतले २ वर्ष कैदको फैसला सुनाएको हो।
सप्तरीको राजविराज-८ का ४३ वर्षीय गोपाल कटुवाल र मोडल खुस्बु ओलीबीच एकताका राम्रै सम्बन्ध थियो।
थप समाचार
३६ लाख नतिरेपछि मोडल खुस्बु ओलीलाई २ वर्ष कैद
५) पार्टीमा विवाद बढिरहेका बेला सुकुटे पुगे प्रचण्ड
नेपाल कम्युनिस्ट पार्टी (नेकपा) का अध्यक्ष पुष्पकमल दाहाल प्रचण्ड चितवनबाट सिन्धुपाल्चोकको सुकुटे पुगेका छन्। उनी शुक्रबार २ बजे हेलिकप्टरमा सुकुटे गएका हुन्।
उनले शनिबार सकुटे महोत्सवको उद्घाटनसमेत गर्ने बुझिएको छ। महत्वपूर्ण राजनीतिक निर्णय गर्नुअघि सुकुटे पुग्ने गरेका उनी आरामका लागि भन्दै त्यहाँ पुगेका हुन्। पार्टीमा राष्ट्रिय सभामा कसलाई लैजाने भन्ने विवाद तीव्र भइरहेका बेला त्यहाँ पुग्नुलाई विशेष रुपमा हेरिएको छ।
थप समाचार
पार्टीमा विवाद बढिरहेका बेला सुकुटे पुगे प्रचण्ड [फोटो फिचर]
६) नायक अनमोलविरुद्ध पाँच लाख ठगीको उजुरी
प्रहरीले नेपाली फिल्मका नायक अनमोल केसीलाई ठगी प्रकरणमा खोजिरहेको छ। एक हप्ता भयो‚ तर उनी प्रहरी कार्यालय गएका छैनन्। केसीविरुद्ध महानगरीय प्रहरी परिसर काठमाडौंमा पाँच लाख ठगीको उजुरी परेको हो।
प्रहरी प्रारम्भमा उनलाई कार्यालयमा बोलाएर छलफल गराउने मुडमा देखिएको छ। उनी नआए उजुरी प्रक्रियाअनुसार अगाडि बढाउने तयारी गरिएको महानगरीय प्रहरी परिसर काठमाडौंका डिएसपी होविन्द्र बाेगटीले जानकारी दिए।
थप समाचार
नायक अनमोलविरुद्ध पाँच लाख ठगीको उजुरी, प्रहरीले बोलाउँदा गएनन् कार्यालय
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।