काठमाडौं- सरकारले बाराको निजगढमा बनाउने लागेको आधुनिक सुविधासम्पन्न निजगढ अन्तर्राष्ट्रिय विमानस्थल आगामी १५ वर्षमा निर्माण सम्पन्न गर्ने घोषणा गरेको छ।
अर्थ मन्त्रालयलले चालु आव २०७६/०७७ बजेटको अर्धवार्षिक समीक्षा सार्वजनिक गर्दै निजगढ अन्तर्राष्ट्रिय विमानस्थल निर्माण सम्पन्न गर्ने लक्ष्य लिएको हो।
निजगढ अन्तर्राष्ट्रिय विमानस्थलाई एसियाकै ट्रान्जिट हब विमानस्थलका रूपमा विकास गर्ने र त्रिभुवन अन्तर्राष्ट्रिय विमानस्थलको विकल्पका रूपमा सरकारले अगाडि सारेको आयोजना हो।
यो आयोजना आर्थिक वर्ष २०७१/७२ मा सुरु भई आर्थिक वर्ष २०७८/७९ मा सम्पन्न गर्ने अपेक्षा गरिएको थियो।
अपेक्षा गरिएको समय सकिनै लागे पनि अर्थ मन्त्रालयले विमानस्थल निमार्णको सम्पन्न हुने सयममा संशोधन गरेको हो।
मन्त्रालयको संशोधित कार्यतालिका अनुसार आर्थिक वर्ष २०९१/९२ मा विमानस्थल निर्माणको काम सम्पन्न गर्ने लक्ष्य लिएको छ।
साथै मन्त्रालयले आयोजनाको कुल अनुमानित लागत १ खर्ब २० अर्ब रहने जनाएको छ।
विमानस्थल निमार्णको विषय अहिले लगानी बोर्ड नेतृत्व गरिरहेको छ। लगानी बोर्डले प्राविधिक रूपमा दक्ष ठहर गर्दै जुरिच अन्तर्राष्ट्रिय विमानस्थलसँग विमानस्थल निर्माणको आशयपत्र माग गरिसकेको छ।
हालसम्म विमानस्थल निर्माण क्षेत्रको दक्षिण-पूर्वी र पश्चिम सीमामा तारबार (फेन्सिङ) कार्य सम्पन्न भएको मन्त्रालयले जनाएको छ। पश्चिमी सिमाना पसाहा खोलामा तटबन्ध निर्माण गरी विमानस्थल निर्माण क्षेत्रको चारकिल्ला यकिन गर्ने कामसमेत सम्पन्न भइसकेको छ।
विमानस्थल निर्माण क्षेत्रमा रहेको १ सय १० बिघा व्यक्तिका नाममा रहेको जग्गाको मुआब्जा वितरणको काम पनि ६० प्रतिशत पूरा भइसेको छ। तर, सर्वोच्च अदालतको आदेशका कारण निर्माणस्थलको रूख कटान गर्ने कार्य भने स्थगित भएको अर्थ मन्त्रालयले सार्वजनिक गरेको अर्धवार्षिक समीक्षामा उल्लेख छ।
आयोजनाका लागि चालु आर्थिक वर्ष २०७६/७७ मा १ अर्ब ५० करोड रुपैयाँ विनियोजन भएकोमा समीक्षा अवधिसम्म १ रुपैयाँ पनि खर्च नभएको जनाएको छ। तर, प्रधानमन्त्री केपी शर्मा ओली र संस्कृति, पर्यटन तथा नागरिक उड्डयन मन्त्रालयले विमानस्थल पाँच वर्षभित्रै निर्माण सम्पन्न गरेर सञ्चालनमा ल्याउने बताउँदै आएका छन्।
गौतम बुद्ध अन्तर्राष्ट्रिय विमानस्थल
यो आयोजना सन् २०१५ मा सुरु भएको थियो। तत्कालीन समयमा सरकारले सन् २०१७ को डिसेम्बरमा आयोजनाको काम सम्पन्न गर्ने लक्ष्य लिएको थियो। तर अहिले विमानस्थल निर्माणको काम ३१ मार्च, २०२० मा सम्पन्न गर्ने लक्ष्य सरकारले लिएको छ।
यस आयोजनाको कुल लागत ३० अर्ब ४१ करोड रुपैयाँ पुगिसिकेको छ। यो आयोजनाको मुआब्जाका लागि मात्र २३ अर्ब रुपैयाँ खर्च भइसकेको छ। विमानस्थलको धावनमार्ग ३ हजार मिटर र चौडाइ ४५ मिटर छ। अहिले विमानस्थलम अन्तिम चरणको काम भइरहेको छ। हाल विमानस्थलमा फिनिसिङ र संचार उपकरण भइरहेको छ। यसैगरी उपकरण जडान गर्ने कार्य पनि तीव्र गतिमा भयरहेको छ।
आयोजनाका लागि सरकारले आर्थिक वर्ष २०७६/७७ मा ४ अर्ब ३३ करोड ६४ लाख रुपैयाँ विनियोजन गरेको थियो। जसमध्ये समीक्षा अवधिसम्म ४६ करोड ३३ लाख रुपैयाँ मात्रै खर्च भएको अर्थ मन्त्रालयले जनाएको छ।
पोखरा क्षेत्रीय अन्तर्राष्ट्रिय विमानस्थल
यो आयोजनाको काम सन् २०११ बाट सुरु भएको थियो। तर, नेपाल सरकार र चीन सरकारबीच २०१७ मार्चमा मात्रै ऋण सम्झौता भएपछि निर्माणको काम अगाडि बढेको थियो।
सरकारले यो विमानस्थल सन् २०२१ को जुलाईसम्ममा निर्माण सम्पन्न गर्ने लक्ष्य लिएको छ। अहिलेसम्म विमानस्थल निर्माणको ५० प्रतिशतभन्दा बढी काम भइसकेको छ।
आयोजनाको कुल अनुमानित लागत २१ अर्ब ६० करोड रहेको छ। आयोजनाको आर्थिक वर्ष २०७५/७६ मा नै धावनमार्ग, ट्याक्सी-वे र एप्रोन निर्माण, धावनमार्ग निर्माणको काम सम्पन्न भइसकेको थियो। अहिले टर्मिनल भवन र अन्य १४ वटा भवनहरू निर्माण कार्य जारी छ।
आयोजनाका लागि सरकारले चालु आर्थिक वर्षमा जग्गा अधिग्रहणसहित विमानस्थल निर्माण कार्यको लागि ८ अर्ब रुपैयाँ विनियोजन गरको थियो। तर, समीक्षा अवधिसम्ममा ४ अर्ब ३ करोड ५५ लाख खर्च भइसकेको अर्थ मन्त्रालयले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
-1749801778.jpg)
-1749797959.png)
-1749826086.png)
