काठमाडौं- राष्ट्रिय स्तरका वाणिज्य बैंकका शेयरधनीहरुले तीन महिनाको अवधिमा २३ अर्ब ४६ करोड रुपैयाँ नगद लाभांश लगेका छन्। वाणिज्य बैंक र लाभांश वितरण गर्न बाँकी हिमालयन बैंकको सहित शेयरधनीहरुले २५ अर्ब ७६ करोड रुपैयाँ लाभांश लैजाने छन्।
दोस्रो बजारमा सूचिकृत दुई वाणिज्य बैंक कृषि विकास बैंक र नेपाल बैंकबाट मात्रै नेपाल सरकारले एक अर्ब ८३ करोड रुपैयाँ लाभांश लगेको छ। राष्ट्रिय वाणिज्य बैंकसहित भने जम्मा २ अर्ब ९१ करोड रुपैयाँको नगद लाभांश लगेको छ।
वाणिज्य बैंकहरुमा लगानी गर्ने विदेशी बैंक तथा कम्पनीहरुले भने साढे तीन अर्ब रुपैयाँभन्दा माथिको नगद लाभांश लैजाने छन्। साधारणसभाबाट लाभांश पारित भए पनि विदेशी कम्पनीले लाभांश लैजानका लागि नेपाल राष्ट्र बैंक तथा अन्य निकायबाट अनुमति लिनुपर्ने हुन्छ।
हालसम्म हिमालयन बैंक, एनसिसी बैंक र सेञ्चुरी बैंकले साधारणसभा सम्पन्न गरेका छैनन्। हिमालयनले लाभांश घोषणा गरे पनि साधारणसभा गरेको छैन। सेञ्चुरीले अहिलेसम्म लाभांश पनि घोषणा गरेको छैन।
गत आर्थिक वर्षको नाफाबाट सबैभन्दा धेरै नगद लाभांश कृषि विकास बैंकले प्रदान गरेको छ। बैंकले दुई अर्ब १६ करोड रुपैयाँ नगद लाभांश दिएको छ। जसमध्ये नेपाल सरकारले मात्रै एक अर्ब १० करोड रुपैयाँ लैजानेछ। नेपाल सरकारकै फिर्ता नहुने अग्राधिकार शेयरमार्फत पनि सरकारले ३२ करोड ५९ लाख रुपैयाँ प्राप्त गरेको छ।
त्यस्तै वाणिज्य बैंकबाट एक अर्ब ८ करोड रुपैयाँ लगिसकेको छ। नेपाल बैंकको नाफाबाट शेयरधनीहरुले ८० करोड ३५ लाख रुपैयाँ नगद प्राप्त गरेका छन्। शेयरधनीहरुले २१ वर्षपछि उक्त लाभांश प्राप्त गरेका हुन्। नेपाल सरकारको ५१ प्रतिशत शेयर हिस्सा रहेको हुँदा सरकारको भागमा ४० करोड ८ लाख रुपैयाँ परेको छ।
गत वर्षको नाफाबाट सबैभन्दा धेरै पैसा स्ट्याण्डर्ड चार्टर्ड बैंक र नविल बैंकको तर्फबाट बाहिरिनेछ। चार्टर्डको प्रमुख शेयर धनी स्ट्याण्डर्ड चार्टर्ड ग्रिण्डलियाजको शेयर स्वामित्व ४६.८१ प्रतिशत छ भने स्ट्याण्डर्ड चार्टर्ड बैंक युकेको २३.४० प्रतिशत छ। बैंकले गत वर्षको नाफाबाट एक अर्ब ८० करोड रुपैयाँ नगद लाभांश वितरण गरेको छ। यसै नाफाबाट दुई विदेशी संस्थामार्फत मात्रै एक अर्ब २६ करोड रुपैयाँ बाहिरिनेछ।
त्यस्तै नविल बैंकको प्रमुख शेयरधनी एनवि इन्टरनेशनल लिमिडेटको शेयर हिस्सा ५० प्रतिशत छ। यसमा बिनोद चौधरीसहित केहि विदेशी कम्पनीहरुको शेयर स्वामित्व रहेको छ। उक्त लाभांश विदेशिएपछि मात्रै बिनोद चौधरीको हातमा पर्छ।
नविल बैंकले गत आर्थिक वर्षको नाफाबाट एक अर्ब ९८ करोड रुपैयाँ नगद लाभांश वितरण गरेको छ। यस नाफाबाट एनबि इन्टरनेशनलले ९९ करोड ५ लाख रुपैयाँ नगद लाभांश प्राप्त गर्नेछ।
विदेशी लगानी भएको हिमालयन बैंकको तर्फबाट पाकिस्तानको हविव बैंकले २० करोड ४० लाख रुपैयाँ नगद प्राप्त गर्नेछ। साधारणसभा गर्न बाँकी भएकोले यो लाभांश विदेशिन केही समय लाग्नेछ।
एनआरएनको लगानी भएका सानिमा बैंक तथा माछापुच्छ्रे बैंकमार्फत भने ठुलो रकम विदेशिनेछ। दुई बैंकको तर्फबाट लगभग ४४ करोड रुपैयाँभन्दा माथिको लाभांश लैजानेछन्।
एभरेष्ट बैंकमा २० प्रतिशत लगानी भएको पञ्जाव नेशनल बैंकले नगद लाभांशवापत ३२ करोड १० लाख रुपैयाँ लैजानेछ। बैंकले एक अर्ब ६० करोड रुपैयाँको नगद लाभांश वितरण गरिसकेको छ। यसको अधिकांश रकम बैंकका अध्यक्ष विके श्रेष्ठले प्राप्त गर्नेछन्।
भारतको एसबिआई बैंकको ५१ प्रतिशत शेयर स्वामित्व रहेको नेपाल एसबिआईले ९१ करोड ५८ लाख रुपैयाँ नगद लाभांश दिएको छ। उक्त लाभांशवापत भारतको एसबिआईले ५० करोड ३७ लाख रुपैयाँ नगद लैजानेछन्।
एनएमबी बैंकको तर्फबाट भने भारतीय कम्पनी र नेदरल्याण्डले ३९ करोड १३ लाख रुपैयाँ लाभांश लैजानेछ। बैंकमा नेदरल्याण्डको एफएमओको २० प्रतिशत लगानी छ। एफएमओले मात्रै २६ करोड ९३ लाख रुपैयाँ प्राप्त गर्नेछ।
सूचिकृत २७ वटा वाणिज्य बैंकको जम्मा चुक्ता पूँजी दुई खर्ब ३९ अर्ब रुपैयाँ छ। यस तथ्याङ्कमा मर्जरमा गइसेकेको जनता बैंकको पनि लाभांश जोडिएको छ। वाणिज्य बैंकहरुले प्रदान गरेको लाभांशमध्ये अधिकांश रकम बैंकिङ च्यानलमा आइसकेको छ। यसै पैसाले गर्दा शेयरधनीहरुलाई कर तिर्न तथा नयाँ शेयर खरिद गर्न सजिलो बनाएको हो। नाफाबाट १५ अर्ब रुपैयाँभन्दा माथिको रकम बजारमा आउदा शेयर बजार बढ्न टेवा पुर्याइरहेको छ।
लाभांशबाट लगानीकर्ताको शेयर खरिद गर्न सक्ने क्षमता बढेसँगै कारोबार रकम पनि बिस्तारै बढिरहेको छ।
वाणिज्य बैंकहरुले गत आर्थिक वर्षको नाफाबाट प्रदान गरेको लाभांश
|
वाणिज्य बैंक
|
नगद लाभांश
|
|
कृषि विकास बैंक
|
2163727200
|
|
बैंक अफ काठमाडौं
|
886941000
|
|
राष्ट्रिय वाणिज्य बैंक
|
1080575484
|
|
सिटिजन बैंक
|
1034664000
|
|
सिभिल बैंक
|
525822723
|
|
एभरेष्ट बैंक
|
1605372000
|
|
ग्लोबल आइएमई बैंक
|
1314591300
|
|
हिमालयन बैंक
|
1022431200
|
|
जनता बैंक
|
480047400
|
|
लक्ष्मी बैंक
|
446025500
|
|
माछापुच्छ्रे बैंक
|
886123700
|
|
मेगा बैंक
|
1244858450
|
|
नविल बैंक
|
1981056000
|
|
नेपाल बंगलादेश बैंक
|
566450500
|
|
नेपाल बैंक
|
803595000
|
|
नेपाल इन्भेष्टमेन्ट बैंक
|
1351323750
|
|
नेपाल एसबिआई बैंक
|
915898700
|
|
एनआईसी एशिया
|
1073800325
|
|
एनएमबी बैंक
|
1610000000
|
|
प्राइम बैंक
|
258126051
|
|
सानिमा बैंक
|
884139230
|
|
सिद्धार्थ बैंक
|
1356247760
|
|
स्ट्याण्डर्ड चार्टर्ड बैंक
|
1802571750
|
|
सनराइज बैंक
|
472848480
|
|
जम्मा लाभांश
|
25767237503
|
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
