काठमाडौं- कुमारी बैंकले देवः विकास बैंकलाई प्राप्ती गर्ने भएको छ। सिनर्जीको लागि देवः विकास बैंक लिन लागिएको कुमारी बैंकका प्रमुख कार्यकारी अधिकृत सुरेन्द्र भण्डारीले जानकारी दिए।
उनले भने ‘बैंकको पुँजी अहिलेको अवस्थामा पुगे पनि शाखा विस्तार तथा बैंकको आकार ठुलो बनाउन प्राप्ती गर्न लागिएको हो।’
बुधबार दुवै बैंकले एक्विजिसनका लागि सम्झौता गरेका छन्। कुमारीले गत आर्थिक वर्षको साधारणसभाबाट पारित गरेको बोनस शेयरपछि चुक्ता पुँजी ९ अर्ब ५५ करोड रुपैयाँ पुगेको छ। त्यस्तै देवः विकास बैंकले गत आर्थिक वर्षको साधारणसभाबाट पारित भएको बोनस शेयरपछि चुक्ता पुँजी तीनअर्ब ३५ करोड रुपैयाँ पुग्नेछ।
यदि बराबरी स्वाप रेसियो कायम भएको खण्डमा कुमारीको चुक्ता पुँजी १२ अर्ब ९० करोड रुपैयाँ पुग्नेछ।
स्वाप रेसियो डिडिए पछि मात्रै कायम गरिने भण्डारीले जानकारी दिए। देवः विकासको स्वाप रेसियो कम भएको खण्डमा उक्त पुँजी घट्नेछ। बुधबार सम्झौता भएसँगै दोस्रो बजारमा देवः विकास बैंकको कारोबार रोक्का हुनेछ।
चालु आर्थिक वर्षको पहिलो त्रैमासिक प्रतिवेदनअनुसार दुवै बैंक एक भएपछि निक्षेप संकलन एक खर्ब रुपैयाँ पुग्नेछ। त्यस्तै ऋण लगानी ९७ अर्ब ८८ करोड रुपैयाँ पुग्नेछ।
हाल कुमारीको प्रतिशेयर आम्दानी १६ रुपैयाँ छ भने देवःको ७ रुपैयाँमात्रै छ। यस हिसाबले देवः विकास बैंकका शेयरधनी बढी लाभान्वित हुने छन्। हाल देवःको खराब कर्जा तीन प्रतिशतमाथि छ।
यसले कुमारीको लगानीको गुणस्तरमा असर पर्नेछ। तर शाखा, पुँजी, निक्षेप तथा कर्जा लगानीको हिसाबले बैंकको आकार थप ठुलो हुनेछ।
नेपाल राष्ट्र बैंकको पछिल्लो रणनीतिअनुसार धेरै बैंकहरु मर्जरका लागि तयार भएका छन्। राष्ट्र बैंकले मर्जरमा जाने बैंकहरुलाई कर छुट दिनेदेखि लिएर धेरै प्रकारका सुविधा प्रदान गरेको छ।
संस्था धेरै हुँदा सञ्चालन खर्च बढ्ने तर नाफामा खासै सुधार नभएपछि बैंकहरुले मर्जरको नीति लिइरहेका छन्। मर्ज गरेर सञ्चालन खर्च घटाउने तथा सिनर्जी प्राप्त गर्ने भन्दै यस्तो रणनीति लिइरहेका हुन्।
राष्ट्र बैंकले विग मर्जरको पोलिसी ल्याउन खोजे पनि कतिपय बैंकहरु स-साना बैंक प्राप्त गरेर सुविधा लिइरहेका छन्। ठूला बैंकहरु मर्ज गर्दा नाम तथा सञ्चालकको सुविधा खोसिने भन्दै सकेसम्म स-साना बैंकहरु लिने र आफुलाई ठूलो बनाउने प्रयास गरिरहेका छन्।
ग्लोबल आइएमई बैंक र जनता बैंकको मर्जपछि केहि बैंकहरु बिग मर्जरका लागि दवाबमा छन्। साना बैंकलाई प्राप्ती गर्दा पनि बैंकको वार्गेनिङ पावर बढ्ने भएकाले यस्ता स-साना मर्जरको प्रयास भइरहेको छ। यसको पछिल्लो उदाहरण एनएमबीले ओमसँगको मर्जर त्यस्तै प्राइम बैंकले कैलाश विकास बैंकलाई प्राप्ती गर्नु हो।
|
विवरण
|
कुमारी बैंक
|
देवः विकास बैंक
|
मर्जपछि
|
|
चुक्ता पुँजी (रुपैयाँमा)
|
8685573112
|
3177100927
|
11862674039
|
|
बोनस शेयर (%)
|
10
|
5.5
|
|
|
बोनस शेयर पछि चुक्ता पुँजी (रुपैयाँमा)
|
9554130423
|
3351841478
|
12905971901
|
|
जगेडा कोष (रुपैयाँमा)
|
2095010622
|
380977424
|
2475988046
|
|
निक्षेप (रुपैयाँमा)
|
78302898000
|
21869510170
|
100172408170
|
|
ऋण लगानी (रुपैयाँमा)
|
77248478000
|
20639278000
|
97887756000
|
|
प्रतिशेयर आम्दानी (रुपैयाँमा)
|
16.83
|
7.51
|
|
|
खराव कर्जा (%)
|
1.05
|
3.03
|
|
|
बजार मूल्य (रुपैयाँमा)
|
196
|
155
|
|
|
आधार व्याजदर(%)
|
10.68
|
11.44
|
|
|
स्प्रेड (%)
|
3.75
|
5.05
|
|
|
शाखा संख्या
|
120
|
88
|
208
|
|
प्रमुख कार्यकारी अधिकृत
|
सुरेन्द्र भण्डारी
|
विजयबहादुर श्रेष्ठ
|
|
|
अध्यक्ष
|
अमिरप्रताप जबरा
|
बज्र गुरुङ
|
|
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।