धनगढी– फोनको घण्टी बज्यो। नचिनेको नम्बर थियो। फोन उठाउ“दा उताबाट बोल्ने व्यक्तिले एकैचोटी प्रश्न गर्याे–‘जागिर खाने हो?’ नचिनेको फोन नम्बरबाट एकाएक यस्तो प्रश्न सोधिएपछि केहीबेर अलमलमा परे, जोशीपुरका सन्तोष चौधरी।
‘नचिनेको नम्बरबाट जागिर लगाईदिन्छु भनेर फोन आयो’ सोमबार नेपाललाइभसँग सन्तोषले भने,‘शुरुमा त विश्वास भएन। फोन काटेँ। केही बेरपछि पुनः त्यही नम्बरबाट फोन आयो। अपरिचित व्यक्तिले फोनमा भन्यो–युएनडिपीमा जागिर हुन्छ, राम्रो तलब सुविधा पाउनुहुन्छ।’
सन्तोषले फोनमा बोल्ने व्यक्तिको परिचय मागे। उसले आफ्नो नाम पदमराज भट्ट भन्यो र युएनडिपीको प्रमुख भएको बताए।
पदमराजले सन्तोषसहित थुप्रै युवायुवतीलाई युएनडिपी र त्यस्तै आकर्षक ठाउ“मा जागिर लगाइदिने प्रलोभन देखाएका रहेछन्। सोमबार आफुँ ठगीएको पिडा सुनाउन सन्तोषसहित अन्य ५ युवा सम्पर्कमा आए। भेटका क्रममा सन्तोष मात्रै होइन सबै युवाको एउटै बाली थियो, ‘पदमराज भन्ने व्यक्तिले जागिर लगाईदिन्छु भनेर हामीसंग पैसा माग्यो, अहिले सम्पर्कबिहीन छ।’
राम्रो जागिरको प्रलोभनमा परेर ठगिएका कैलालीकै घोडाघोडी नगरपालिकाका अर्जुन कुश्मीले भने– ‘त्यो पदम भन्ने मान्छेले दैनिकजसो फोन गर्दथ्यो र जागिर लगाइदिन्छु भनेर प्रलोभन दिन्थ्यो।
मैले उसलाई भेटेको चाहिँ छैन, तर उसले भनेको स्थानमा रकम भने पठाएँ।’ अर्जुनलाई पदमले युएनडिपीमा सुपरभाईजरको जागिर लगाइदिने भन्दै ५ हजार रुपैया“ माग गरेका थिए।
अर्जुनले आइएमई मार्फत पदम भन्ने व्यक्तिको नाममा पैसा पठाएको बताए। पदमले अर्जुनलाई आफू दार्चुलामा फिल्डमा रहेको र आइएमई गरेर रकम पठाउन भनेका थिए।
दार्चुलामा आइएमई मार्फत रकम पठाएको आधा घण्टापछि पदमराज सम्पर्कबिहीन भएपछि अर्जुन धनगढीस्थित युएनडिपीको क्षेत्रीय कार्यालयमा पुगेका थिए। ‘क्षेत्रीय कार्यालय पुगेपछि थाहा भयो त्यो पदम भन्ने मानिस युएनडिपीको कर्मचारी नै रहेनछ।’, उनले भने,‘उसले जागिर लगाइदिने भनेर धेरै मानिसलाई ठगेको रहेछ ।’
जागिरको प्रलोभनमा ठगिएका अर्का पीडित नरेन्द्र चौधरीका अनुसार पदमराजले कसैलाई युएनडिपीमा सुपरभाईजर, कसैलाई ड्राईभर, कसैलाई सेक्युरिटी गार्डमा जागिर लगाइदिने भनेर ठगेका थिए। नरेन्द्रले पदम भन्ने व्यक्तिलाई आइएमई गरेर १५ हजार रुपैया“ पठाएको बताए।
सन्तोषले गत शुक्रबार आइएमई गरेर ५ हजार रुपैया“ पठाएका थिए। उनले बैतडीमा रकम पठाएका थिए। तर, अर्जुनले दार्चुलामा र नरेन्द्रले कञ्चनपुरमा आइएमई गरेका थिए।
जागिरको लोभमा ठगिएका युवाहरूले भने,‘हामी त ठगियौँ, अरु व्यक्ति नठगिउन भनेर हामी सञ्चार माध्यममा आइपुगेका हौं।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
