काठमाडौं- नेपाल टेलिकमले जिएसएम र सिडिएमए प्रिपेड सिमकार्डको खरिदमा ४० मिनेट टक टाइम, ६० एमबी डाटा उपहारस्वरूप प्रदान गर्ने भएको छ।
यसका साथै १० रुपैयाँ मुख्य ब्यालेन्स हुने सो नयाँ सिमबाट २० वटा एसएमएस नेपाल टेलिकमका सिममा पठाउन सकिने छ।
आगामी २०७६ पुस १६ अर्थात् २०२० जनवरी १ (अंग्रेजी नयाँ वर्ष) देखि यस्तो सुविधा उपलब्ध हुने जानकारी टेलिकमले दिएको छ।
४० मिनेट टकटाइम र २० वटा एसएमएसको सुविधाका एक महिनाभित्र प्रयोग गरिसक्नुर्न सकिने छ।
यसअघि नै सिमकार्ड खरिद गरी एक्टिभ नगरेका ग्राहकहरुले २०७६ पुस १५ गतेसम्म सिम एक्टिभेट गरेमा पुरानो व्यवस्था अनुसारको ब्यालेन्स ५० रुपैयाँ प्राप्त हुनेछ भने पुस १६ गते वा सो भन्दा पछि एक्टिभेट गरेमा नयाँ व्यवस्था अनुसारको ब्यालेन्स १० रुपैयाँ तथा थप सुविधा प्राप्त हुनेछ।
टेलिकमले ९० रुपैयाँमा नयाँ प्रिपेड सिमकार्ड उपलब्ध गराउँदै आएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775455666-1775459306.jpeg)
-1764146706.png)
