काठमाडौँ– नेकपा (एमाले)की सांसद रेखाकुमारी झाले सरकारी प्रयोजनका लागि खरिद गरिएका सवारीसाधनमा निजी नम्बर प्लेट प्रयोग भइरहेको विषय उठाउँदै सरकारसँग छानबिन र आवश्यक कारबाहीको माग गरेकी छन्।
राष्ट्रिय सभाको बैठकमा बोल्दै उनले नेपाल खानेपानी संस्थान राजविराज, मोरङको पथरीशनिश्चरे नगरपालिका तथा काठमाडौँका केही सार्वजनिक निकायमा सरकारी कोषबाट सञ्चालन हुने सवारीसाधनमा सेतो सरकारी नम्बर प्लेट हटाएर रातो निजी नम्बर प्लेट प्रयोग गरिएको तथ्य सार्वजनिक भएको उल्लेख गरिन्।
उनले सरकारी सवारीसाधनलाई निजी प्रयोजनका लागि प्रयोग गर्न सरकारी नम्बर प्लेट परिवर्तन गरिएको आरोप लगाउँदै यस्तो कार्य कानुन विपरीत मात्र नभई सुशासनको मर्म विपरीत पनि भएको बताइन्।
सांसद झाले राज्यको स्रोतबाट इन्धन, मर्मतसम्भार तथा अन्य सञ्चालन खर्च व्यहोर्ने सरकारी सवारीसाधन व्यक्तिगत प्रयोजनमा प्रयोग हुनु सार्वजनिक स्रोतको दुरुपयोग भएको उल्लेख गर्दै यस विषयमा सरकारले प्रभावकारी अनुगमन, छानबिन र आवश्यक कारबाही अघि बढाउनुपर्ने माग गरिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
