चितवन– निर्वाचित हुने रास्वपाको एक महामन्त्री पदमा पाँच जना दाबेदार देखिएका छन् । चितवनमा जारी केन्द्रीय सदस्यको निर्वाचन सकिएसँगै केन्द्रीय पदाधिकारीका दाबेदारहरू मैदानमा उत्रिएका हुन् ।
दुईमध्ये एक महामन्त्री मनोनीत हुने भएपछि अर्को एक पदमा पाँच जना नेताहरूले दाबी गर्न थालेका छन् । जसमध्ये हालका महामन्त्री कवीन्द्र बुर्लाकोटी, शिशिर खनाल, विपिन आचार्य, गणेश पराजुली र मनिष झा महामन्त्रीको दाबेदारका रूपमा मत मागिरहेका छन् ।
त्यस्तै, दुई उपसभापतिका लागि विराजभक्त श्रेष्ठ, तोषिमा कार्की, सोविता गौतम र लिमा अधिकारी दाबेदारका रूपमा देखिएका छन् । निर्वाचित हुने ३ सहमहामन्त्रीका लागि यज्ञमणि न्यौपाने, सागर ढकाल, रमेश प्रसाई र डा.अंकिता यादव दाबेदारका रूपमा अघि बढाएका छन् ।
१९ सदस्यीय रास्वपाको केन्द्रीय पदाधिकारीमा बाँकी पदमा भने सभापतिले मनोनयन गर्नेछन् । निर्वाचित हुने केन्द्रीय पदाधिकारी सहमतिमार्फत चयन गर्न नेतृत्वबिच छलफल भइरहेको बताइएको छ । यदि सहमति नजुटे मतदानको प्रक्रियामा जाने अन्तिम विकल्प बाँकी रहेको नेताहरूले बताएका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1782224905-1782225890.jpeg)
-1782199085-1782199787.jpeg)
-1764146706.png)
