बर्लिन, जर्मनी- जर्मनीको प्रहरीले पूर्व क्याटलोनियाली राष्ट्रपति चार्ल्स पुज्डमोनलाई आइतबार डेनमार्कबाट जर्मनी प्रवेश गर्ने क्रममा पक्राउ गरेको छ।
पुज्डमोनलाई स्केलस्वीग–होलस्टेन राजमार्ग प्रहरी गस्ती टोलीले नियन्त्रणमा लिएको जर्मन प्रहरीका प्रवक्ताले बताए। उनलाई अहिले प्रहरी हिरासतमा राखिएको छ।
पुज्डमोनको दलका प्रवक्ता आन्ना ग्राबालोसाले पनि आफ्ना नेताको डेनमार्कबाट जर्मनी जाने क्रममा जर्मनीको एक राजमार्गबाट पक्राउ गरिएको पुष्टि गरे। ग्रावालोसाले भने, 'नेता पुज्डमोनलाई हिरासतमा सकुशल राखिएको छ। अहिले मैले यतिमात्र भन्न सक्छु।'
स्पेनको क्याटलोनियालाई स्वतन्त्र राज्य बनाउने अभियानमा लागेका पुज्डमोनमाथि स्पेनको केन्द्र सरकारद्वारा ‘राज्यद्रोह’ गरेको आरोपमा पक्राउ पूर्जी जारी गर्दै खोजीको सूचीमा राखिएको थियो। उनी गत बिहीबारदेखि फिनल्याण्ड भ्रमणमा थिए। तर फिनल्याण्डको प्रहरीले पक्राउ गर्न नपाउँदै जर्मनीतर्फ गएका थिए।
पुज्डमोनका वकिल जाउमे अलान्सो–केभिलसले जर्मनी हुँदै बेल्जियम फर्किने क्रममा पूर्व क्याटलोनियाली नेतालाई जर्मन प्रहरीले पक्राउ गरेको बताए। उनी क्याटलोनियामा केन्द्र सरकारको प्रत्यक्ष शासन सुरु हुनुअगावै बेल्जियम पुगी स्वघोषित निर्वासनमा रहँदै आएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791984972.png)
-1786602170.png)
