हरारे– जिम्बाबेमा गत वर्ष मात्र सत्ताच्युत भएका पूर्वराष्ट्रपति रोबर्ट मुगाबेले आफू विरुद्ध सेनाले हटाउने षड्यन्त्र गरिरहेको समय मध्यस्थताका लागि खटिएको दक्षिण अफ्रिकी समूहको भूमिकाप्रति असन्तुष्टी व्यक्त गरेको छन्।
सत्ताबाट हट्नु नपर्नेमा आफ्ना क्षेत्रीय छिमेकीले धोखा दिएको कारण आफूले नेतृत्व छोड्नु परेको जिम्बाबेको एक निजी लगानीमा सञ्चालित पत्रिका ‘जिम्बाबे इन्डिपेन्डेन्ट’सँगको अन्तवार्तामा मुगाबेले भने।
‘दक्षिण अफ्रिकाबाहेकका मुलुकको अवस्थालाई हेर्नुभयो भने प्रष्ट थाहा हुन्छ कि उनीहरूले जिम्बाबेमा हस्तक्षेप गर्नसक्ने अवस्था थिएन,’ ९४ वर्षीय पूर्वराष्ट्रपति मुगावे कै शब्दलाई अन्तवार्तामा उद्धृत गरिएको छ।
उनले थपे, ‘दक्षिण अफ्रिकाले मध्यस्थताका लागि टोली पठाउनुभन्दा सेनालाई पठाउनु पथ्यो।’
बेलायती उपनिवेशबाट स्वतन्त्र भएपछि सन् १९८० देखि नै जिम्बाबेको सत्ता सम्हालेका मुगावेलाई सेनाले प्रत्यक्ष शासनसत्ता सम्हालेपछि र आफ्नै दल जिम्बाबे अफ्रिकी राष्ट्रवादी समूहका सांसदले महाभियोगको प्रस्ताव अघि सारेपछि उनी सरकार र दलको नेतृत्वबाट बाहिरिएका थिए।
मुगावेलाई सत्ता छोड्नुभन्दा केही हप्ता पहिले उनीबाटै उपराष्ट्रपतिबाट बर्खास्त सेनाका नजिक मानिएका एमरसन नानगाग्वाले विस्थापित गरेका थिए। मुगावेले उक्त कदममार्फत आफ्नै जिवनसंगीनी ग्रेसलाई नेतृत्व हस्तान्तरणका लागि बाटो सफा गरेको भनी व्यापक आलोचना भएको थियो।
दक्षिण अफ्रिकाका तत्कालिन राष्ट्रपति ज्याकोव जुमाले मुगाबे सेनाबीचको सङ्कट समाधानमा मध्यस्थताका लागि रक्षामन्त्री मापिसा काकुला तथा सुरक्षा मन्त्री बोङगानी बोङ्गोलाई पठाएका थिए।
मुगावेले आफू एक सय वर्षसम्म पनि शासन गर्नसक्ने बताउँदै आएपनि उनै शब्दमा सैनिक विद्रोहका कारण पदच्युत हुनुपरेको थियो। रासस/एएफपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
