काठमाडौं- नेप्से परिसूचक दिनप्रतिदिन खस्किँदै गएको छ। यसै क्रममा अधिकांश कम्पनीको सेयर मूल्य १५० रुपैयाँभन्दा तल झरेको छ। नेसनल हाइड्रो पावर सेयर मूल्य साधारण सेयर (आइपिओ) भन्दा कम मूल्यमा आएको छ। कम्पनीको सेयर मूल्य ९८ रुपैयाँ छ।
त्यस्तै, सिभिल बैंकको सेयर मूल्य प्रतिकित्ता १ सय ५० रुपैयाँमा झरेको छ। बेस्ट फाइनान्सको मूल्य १ सय २५ रुपैयाँ र जेविल्स फाइनान्सको मूल्य १ सय १८ रुपैयाँ छ। यता, दिव्यश्वरी हाइड्रोपावरको सेयर मूल्य १ सय २२ रुपैयाँ छ।
आइपिओ खुल्दा झुम्मिने लगानीकर्ता दोस्रो बजारमा पनि आइपिओकै मूल्यमा सेयर आउँदा पनि खरिद गर्नतर्फ लागेका देखिएको छैन। सेयर बजारका जानकारहरुले अहिले सेयर खरिद गर्ने उपयुक्त समय बताइरहँदा लगानीकर्ताहरु भने बेच्नतर्फ अग्रसर भएका छन्। जसका कारण नेप्से परिसूचकमा सोमबार पनि ८ दशमलब ४४ अंकको गिरावट आएको छ।
सोमबार परिसूचकसँगै कारोबार रकममा पनि गिरावट आएको छ। १ सय ५२ कम्पनीको २६ करोड ६२ लाख ७३ हजार १ सय २० रुपैयाँ बराबरको सेयर खरिद-बिक्री भएको छ। जबकि आइतबार ३० करोड ४ लाख ७९ हजार ७ रुपैयाँ बराबरको सेयर कारोबार भएको थियो।
सोमबार नेपाल लाइफ इन्स्योरेन्सको सर्वाधिक सेयर कारोबार भएको छ। कम्पनीको ३ करोड ७ लाख ४३ हजार रुपैयाँ बराबरको सेयर खरिद–बिक्री भएको छ। त्यस्तै, नागरिक लगानी कोषको २ करोड ९८ लाख रुपैयाँ बराबरको सेयर किनबेच भएको छ।
सोमबार कारोबारमा अएका ३ समूहमा बढोत्तरी भएको छ भने अन्य समूहमा गिरावट आएको छ। यस दिन बिमा समूह अन्तर्गतका लगानीकर्ताले ५० दशमलब ३२ अंकको गिरावट आएको छ। त्यस्तै, होटल समूह ३२ दशमलब २८ अंकले घटेको छ भने जलविद्युत् समूहमा २२ दशमलब १८ अंकको गिरावट आएको छ।
यता, अन्य समूहको सेयर मूल्य ३ दशमलब ५१ अंकले बढेको छ भने ट्रेडिङ समूह १ दशमलब ३६ अंकले बढेको छ।
सोमबार स्वदेशी लघुवित्त वित्तीय संस्थाका लगानीकर्ताले सर्वाधिक कमाएका छन्। कम्पनीको सेयर मूल्य प्रतिकित्ता २७ रुपैयाँ अर्थात् ५ दशमलब ८६ प्रतिशतले बढेको छ।
यता अपि हाइड्रोपावरका लगानीकर्ताले सर्वाधिक गुमाएका छन्। कम्पनीको सेयर मूल्य प्रतिकित्ता ३० रुपैयाँ अर्थात् ९ दशमलब ८० प्रतिशतले घटेको छ। त्यस्तै, काबेली विकास बैंकको सेयर मूल्य प्रतिकित्ता २० रुपैयाँले घटेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775053689.png)
-1764146706.png)
